ქორწინების შეწყვეტის საფუძვლები

რა შემთხვევაში შეიძლება შეწყდეს ქორწინება?

სამოქალაქო კოდექსის 1122-ე მუხლის მიხედვით:

ქორწინება წყდება:

• ერთ-ერთი მეუღლის გარდაცვალებით;

• კანონით დადგენილი წესით ერთ-ერთი მეუღლის გარდაცვლილად გამოცხადებით;

• განქორწინებით.

რა შემთხვევაშია დაუშვებელი განქორწინება?

ცოლის ორსულობის დროს და ბავშვის დაბადებიდან ერთი წლის განმავლობაში ქმარს უფლება არა აქვს ცოლის თანხმობის გარეშე აღძრას საქმე განქორწინებაზე.

განქორწინებისთვის სავალდებულოა თუ არა სასამართლოსთვის მიმართვა?

განქორწინება ხდება სასამართლო წესით, თუ მეუღლეებს შორის არსებობს დავა, სხვა შემთხვევაში – სამოქალაქო აქტების რეგისტრაციის ორგანოში.

განქორწინების საქმეთა განხილვა სასამართლოს მიერ

განქორწინების საქმეებს სასამართლო განიხილავს სასარჩელო წარმოების წესით, რომელიც დადგენილია საქართველოს სამოქალაქო საპროცესო კოდექსით.

სასამართლო იღებს ზომებს მეუღლეთა შესარიგებლად; მას უფლება აქვს გადადოს საქმის განხილვა და მეუღლეებს დაუნიშნოს ვადა შესარიგებლად, რომელიც არ უნდა აღემატებოდეს 6 თვეს.

განქორწინება მოხდება, თუ სასამართლო დაადგენს, რომ მეუღლეთა შემდგომი ერთად ცხოვრება და ოჯახის შენარჩუნება შეუძლებელია, მიუხედავად შესარიგებლად მიღებული ზომებისა.

შეუძლიათ თუ არა განქორწინებულ მეუღლეებს ხელახლა დაქორწინება?

დიახ. სამოქალაქო კოდექსის 1136-ე მუხლის თანახმად:

განქორწინებულ მეუღლეებს უფლება აქვთ ხელახლა დაქორწინდნენ.

განქორწინებასთან დაკავშირებით, ბევრი კითხვა ჩნდება.

კითხვების არსებობის შემთხვევაში, ჩვენ დაგეხმარებით.