ადმინისტრაციული აღსრულების სამართლებრივი ჩარჩო

ადმინისტრაციული წარმოების პროცესში ერთ-ერთი ყველაზე კრიტიკული ეტაპი ინდივიდუალური ადმინისტრაციულ-სამართლებრივი აქტის აღსრულებაა.

საქართველოს ზოგადი ადმინისტრაციული კოდექსი ადგენს იმ მექანიზმებსა და ფარგლებს, რომელთა დაცვა სავალდებულოა ადმინისტრაციული ორგანოსთვის იძულების განხორციელებისას.

აღსრულების საშუალებები და პროპორციულობის პრინციპი (მუხლი 169)

კანონმდებლობა ადმინისტრაციულ ორგანოს აღსრულების სამ ძირითად საშუალებას სთავაზობს:

• სხვა პირისათვის აღსრულების დავალება

• ჯარიმა

• უშუალო იძულება

მნიშვნელოვანია გვახსოვდეს, რომ ადმინისტრაციული ორგანოს დისკრეცია შეზღუდულია:

მან უნდა აირჩიოს ის საშუალება, რომელიც უზრუნველყოფს აქტის სწრაფ შესრულებას, იწვევს მინიმალურ დანახარჯებს და ნაკლებად აზიანებს შესაბამის პირს.

ნებისმიერი გადახრა ამ პრინციპიდან შეიძლება გახდეს აღსრულების პროცესის გასაჩივრების საფუძველი.

ჯარიმა, როგორც აღსრულების უზრუნველყოფის ინსტრუმენტი (მუხლი 171)

ხშირად ჯარიმა აღიქმება როგორც სასჯელი, თუმცა სზაკ-ის 171-ე მუხლის კონტექსტში ის სამოქალაქოსამართლებრივი იძულების საშუალებაა.

ჯარიმა გამოიყენება მაშინ, როდესაც აღსრულება პირდაპირ არის დამოკიდებული პირის ნებაზე.

თუმცა, კანონი ორგანოს უფლებას აძლევს გამოიყენოს ჯარიმა მაშინაც, როდესაც არსებობს სხვა პირის მიერ მოქმედების შესრულების ალტერნატივა.

ფულადი ვალდებულებების აღსრულება (მუხლი 175)

ფულადი თანხის გადახდევინებასთან დაკავშირებული აქტების შემთხვევაში, სზაკ-ის სტანდარტული იძულების საშუალებები არ მოქმედებს.

აქ პროცესი რეგულირდება სპეციალური წესით, რაც გულისხმობს სააღსრულებო ფურცლის საფუძველზე წარმოების დაწყებას „სააღსრულებო წარმოებათა შესახებ“ საქართველოს კანონით დადგენილი წესით.

გადაწყვეტილების გასაჩივრება (მუხლი 176)

აღსრულების უზრუნველყოფის შესახებ გადაწყვეტილების გასაჩივრება შესაძლებელია ადმინისტრაციული წესით.

თუ აღსრულების საშუალება და ვადები პირდაპირ გამომდინარეობს ძირითადი ადმინისტრაციული აქტიდან, გასაჩივრდება ძირითად აქტთან ერთად.
 

კითხვების შემთხვევაში, დაგვიკავშირდით.

Law Office/იურიდიული კომპანია OK&CG.