რა ვადაში გადადის ვალი ხანდაზმულობაში საქართველოში?

- „ვალი მაქვს და 3 წელი თუ გავა, საერთოდ აღარ მექნება გადასახდელი?“

ეს არის ერთ-ერთი ყველაზე გავრცელებული მითი, რომელიც მოვალეებსა და ბიზნესებს შორის არსებობს.

რეალობა ბევრად უფრო კომპლექსურია. ხანდაზმულობა არ ნიშნავს ვალის ავტომატურად „გაქრობას“. ეს არის სამართლებრივი ვადა, რომლის გასვლის შემდეგაც კრედიტორს (ბანკს, საზოგადოებას თუ ფიზიკურ პირს) იძულებითი წესით თანხის ამოღების უფლება ეზღუდება.

აი, რა უნდა იცოდეთ ხანდაზმულობის ვადებსა და იმ „ხაფანგებზე“, რომლებიც ამ პროცესში იმალება:

1. რა არის ხანდაზმულობის ძირითადი ვადები?

საქართველოს სამოქალაქო კოდექსით ვალდებულების ტიპის მიხედვით განსხვავებული ვადები მოქმედებს:

• 3 წელი (სახელშეკრულებო ვალდებულებები): სტანდარტული სესხები, ბანკის დავალიანება, იჯარის თუ მომსახურების ხელშეკრულებები.

• 3 წელი (პერიოდული გადასახდელები): კომუნალური გადასახადები ან სხვა რეგულარული ყოველთვიური ვალდებულებები.

• 6 წელი (უძრავ ქონებასთან დაკავშირებული დავები): უძრავ ნივთებთან დაკავშირებული სახელშეკრულებო მოთხოვნები.

• 10 წელი (ხანდაზმულობის საერთო ვადა)

2. მთავარი ხაფანგი: ხანდაზმულობის ვადის ხელახლა ათვლა

უმეტესობას ავიწყდება, რომ ხანდაზმულობის ათვლა თავიდან იწყება, თუ: მოვალემ ვალი აღიარა (მაგალითად: გადაიხადა 10 ლარიც კი, მოითხოვა გრაფიკის გადანაწილება ან წერილობით დაადასტურა დავალიანება).

პრობლემური სესხების ამომღები კომპანიები ხშირად მიმართავენ ამ ხერხს - ხანდაზმულ მოვალეს სთავაზობენ „სიმბოლური 5 ლარის გადახდას ვალის გასააქტიურებლად“. ამ 5 ლარის გადახდით თქვენ აღიარებთ მთლიან ვალიანებას და 3-წლიანი ხანდაზმულობის ათვლა ხელახლა იწყება!

3. ხანდაზმულობა ავტომატურად არ მოქმედებს

თუ კრედიტორმა სასამართლოში უჩივლა მოვალეს, რომლის ვალიც ხანდაზმულია, მოსამართლე თავისი ინიციატივით ხანდაზმულობის თაობაზე არ იმსჯელებს.

თუ მოპასუხე (მოვალე) პროცესზე არ გამოცხადდა ან არ განაცხადა შესაგებელში ხანდაზმულობის შესახებ, სასამართლო კრედიტორს ვალის დაკისრების შესახებ მოთხოვნას დაუკმაყოფილებს.

იურისტის რჩევა:

თუ ძველი ვალის დაფარვას ან გასაჩივრებას გთხოვენ, ნუ გააკეთებთ რაიმე სახის ზეპირ ან წერილობით განცხადებას იურისტთან კონსულტაციამდე. 15-წუთიანი სამართლებრივი შემოწმება დაგეხმარებათ გაარკვიოთ, რეალურად გეკუთვნით თუ არა თანხის გადახდა.

ტელეფონი: 592 19 11 19

ელ-ფოსტა: info@myadvocate.ge

მისამართი: თბილისი, ალ. ყაზბეგის გამზირი 12ბ.