გამოსაცდელი ვადა

შრომითი ურთიერთობის დაწყება ხშირად გამოსაცდელი ვადით იწყება. დამსაქმებლებისა და დასაქმებულების მხრიდან ეს ერთ-ერთი ყველაზე ხშირად დასმული საკითხია - აქვს თუ არა დასაქმებულს სრული შრომითი უფლებები გამოცდის პერიოდში და რა გარანტიებს ადგენს საქართველოს კანონმდებლობა

საქართველოს შრომის კოდექსის მიხედვით, განვიხილოთ გამოსაცდელი ვადის ძირითადი სამართლებრივი პრინციპები.  

1. რა არის გამოსაცდელი ვადის მაქსიმალური ხანგრძლივობა?

კანონმდებლობის თანახმად, შრომითი ხელშეკრულებით გამოსაცდელი ვადა არ უნდა აღემატებოდეს 6 თვეს. გამოსაცდელი ვადა გულისხმობს შეთანხმებას, რომლის მიზანიც მხარეთა შესაბამისობის შემოწმებაა, თუმცა ის არ ნიშნავს იმას, რომ დასაქმებული უფლებების გარეშე რჩება.

2. ანაზღაურება გამოსაცდელ პერიოდში

მნიშვნელოვანია იცოდეთ: გამოსაცდელი ვადა სავალდებულოდ ანაზღაურებადი უნდა იყოს.

დასაქმებულს უფლება აქვს, მიიღოს სრული ანაზღაურება შესრულებული სამუშაოს სანაცვლოდ, იმავე პირობებით, რაც შრომითი ხელშეკრულებით არის გათვალისწინებული. გამოცდის პერიოდში უსასყიდლო შრომა ან კანონმდებლობით დადგენილ მინიმუმზე დაბალი ანაზღაურება დაუშვებელია.

3. შრომითი უფლებები

გამოსაცდელი ვადის განმავლობაში დასაქმებულზე ვრცელდება შრომის კოდექსით განსაზღვრული ყველა ძირითადი უფლება და გარანტია:

• შრომის უსაფრთხოება და ჯანმრთელობის დაცვა სამუშაო ადგილზე;

• კანონით დადგენილი დასვენებისა და სადღესასწაულო დღეები;

• შრომისუნარიანობის დროებით დაკარგვის შემთხვევაში ბიულეტენით სარგებლობის უფლება.

4. ხელშეკრულების შეწყვეტა გამოსაცდელი ვადის დროს

ეს არის ყველაზე ხშირი დავის საგანი.

გამოსაცდელი ვადით დადებული შრომითი ხელშეკრულების შეწყვეტის შემთხვევაზე არ ვრცელდება შრომის კოდექსის 48-ე მუხლით გათვალისწინებული მოთხოვნები, თუ გამოსაცდელი ვადით დადებული შრომითი ხელშეკრულებით სხვა რამ არ არის განსაზღვრული.

გამოსაცდელი ვადით დადებული შრომითი ხელშეკრულების შეწყვეტის შემთხვევაში დასაქმებულს შრომის ანაზღაურება მიეცემა ნამუშევარი დროის შესაბამისად.

რატომ არის მნიშვნელოვანი იურიდიული კონსულტაცია?

შრომით დავებსა და გამოსაცდელი ვადის არასწორად გამოყენებასთან დაკავშირებულ საკითხებში დროული და კომპეტენტური იურიდიული ჩარევა დამსაქმებელთან ურთიერთობისას უსაფრთხოებისა და კანონიერების მთავარი გარანტიაა.

გჭირდებათ კონსულტაცია შრომით სამართალში?

ტელეფონი: 592 19 11 19

ელ-ფოსტა: info@myadvocate.ge

მისამართი: თბილისი, ალ. ყაზბეგის გამზირი 12ბ.