ვინ დაიბრუნებს მართვის უფლებას 2026 წლიდან?

საქართველოს პარლამენტში წარდგენილი ახალი კანონპროექტი მძღოლებს აძლევს შესაძლებლობას, დაიბრუნონ მართვის უფლება.

ცვლილებები ეხება როგორც კონკრეტულ ადმინისტრაციულ დარღვევებს, ისე ქულათა სისტემის გამო მართვის უფლებაშეჩერებულ პირებს.

ერთჯერადი გათავისუფლება ადმინისტრაციული სახდელისგან

თუ პირმა 2025 წლის 10 დეკემბრამდე ჩაიდინა ქვემოთ ჩამოთვლილი დარღვევებიდან ერთ-ერთი, ის ერთჯერადად გათავისუფლდება ყველაზე მკაცრი სასჯელისგან - მართვის უფლების შეჩერებისგან:

მუხლი 45 და 45’: ნარკოტიკულ საშუალებებთან ან ფსიქოტროპულ ნივთიერებებთან დაკავშირებული სამართალდარღვევები.

მუხლი 115’’: მართვისას მძღოლის ნარკოტიკული საშუალების, ფსიქოტროპული ან ახალი ფსიქოაქტიური ნივთიერების ზემოქმედების ქვეშ ყოფნის ფაქტის დასადგენად შემოწმებისთვის თავის არიდება.

მუხლი 116: ავტომობილის მართვა ალკოჰოლური სიმთვრალის მდგომარეობაში.

მუხლი 123: პოლიციელის მოთხოვნის შეუსრულებლობა ავტომობილის გაჩერებაზე ან საგზაო-სატრანსპორტო შემთხვევის ადგილიდან მიმალვა.

ქულების აღდგენა (100-ქულიანი სისტემა)

კანონპროექტი ასევე ეხება მათ, ვისაც მართვის მოწმობაზე ქულები ამოეწურა:

ვის ეხება? პირებს, რომელთაც მართვის უფლება შეუჩერდათ ქულების ნულამდე დაყვანის გამო 2025 წლის 10 დეკემბრამდე.

როდის აღდგება? მართვის უფლება ავტომატურად აღდგება 2026 წლის 1 იანვრიდან.

რამდენი ქულა მიენიჭებათ? მძღოლებს მართვის მოწმობაზე ხელახლა მიენიჭებათ სრული 100 ქულა.

დამატებითი კითხვების შემთხვევაში, დაგვიკავშირდით.

Law Office/იურიდიული კომპანია OK&CG.