error1387 2016.06.14
საადვოკატო ბიურო „OK & CG”–მ საჯარო რეესტრის ეროვნულ სააგენტოს დავა მოუგო
საადვოკატო ბიურო „OK & CG”–მ საჯარო რეესტრის ეროვნული სააგენტოს წინააღმდეგ დავა მოიგო. გადაწყვეტილება თბილისის საქალაქო სასამართლომ საქმის არსებითი შესწავლისა და წარმოდგენილი მტკიცებულებების საფუძვლიანი განხილვის შედეგად მიიღო. მოცემული საქმე მემკვიდრეობის საფუძველზე უძრავი ქონების რეგისტრაციას შეეხებოდა. მოქალაქე მ.დ–მ 2015 წლის 6 თებერვალს განცხადებით მიმართა საჯარო რეესტრის ეროვნულ სააგენტოს და მოითხოვა მემკვიდრეობის საფუძველზე საკუთრების უფლების რეგისტრაცია უძრავ ნივთზე. რეგისტრაციისათვის მოქალაქემ სარეგისტრაციო ორგანოს შესაბამისი დოკუმენტები წარუდგინა, თუმცა, აღნიშნულ ორგანოში დაბრკოლებას წააწყდა. საჯარო რეესტრის ეროვნული სააგენტოს 2015 წლის 10 მარტის გააწვეტილებით, შეწყდა სარეგისტრაციო წარმოება. საპასუხოდ, მოქალაქე მ.დ–მ ადმინისტრაციული საჩივრით მიმართა სსიპ საჯარო რეესტრის ეროვნულ სააგენტოს და მოითხოვა მათი გადაწყვეტილების ბათილად ცნობა. სამწუხაროდ, მოპასუხემ მიიჩნია, რომ საჩივრის დაკმაყოფილებისათვის არანაირი სამართლებრივი საფუძველი არ არსებობდა. განხილულ დავაში, საადვოკატო ბიურო „OK & CG”–ს ადვოკატები მ.დ–ს ინტერესებს იცვადნენ და თვლინენ, რომ საჯარო რეესტრის ეროვნული სააგენტოს გადაწყვეტილება უსამართლო იყო და მას რეალური სამართლებრივი დასაბუთება არ გააჩნდა. საბედნიეროდ, თბილისის საქალაქო სასამართლოს ადმინიტრაციულ საქმეთა კოლეგიამ მთლიანად გაიზიარა საადვოკატო ბიურო „OK & CG”–ისა და მოქალაქე მ.დ–ს პოზიცია, ბათილად სცნო საჯარო რეესტრის ეროვნული სააგენტოს გადაწყვეტილება და დაავალა მას მოქალაქის საკუთრებაში აღნიშნული უძრავი ქონების რეგისტრაცია.
სხვა სიახლეები
22 მარ

"მომავლის იურისტთა სკოლის" კურსდამთავრებულების სტაჟირება OK&CG-ში

15 მარ

შეხვედრა სამცხე-ჯავახეთის სახელმწიფო უნივერსიტეტში

26 დეკ

"OK&CG"-ისა და "IBSU"-ის ურთიერთთანამშომლობის მემორანდუმი

14 დეკ

მედიატორთა ფიცის დადების ცერემონიალი

13 დეკ

საერთაშორისო ფორუმი - მედიაცია იურისტებისთვის

13 აპრ

19 აპრილს ონლაინ საჯარო ლექცია "უძრავი ქონების ტრანზაქციები - საბროკერო საქმიანობა და სამართლებრივი რეგულირების ასპექტები საქართველოში" გაიმართება

29 მარ

ადვოკატთა საკვალიფიკაციო გამოცდაზე რეგისტრაცია 3 აპრილს დასრულდება

06 მარ

„OK&CG“ განცხადება ,,უცხოური გავლენის გამჭვირვალობის შესახებ“ კანონპროექტთან დაკავშირებით

14 თებ

ანაზღაურებადი სტაჟირება „OK&CG“ -ში

17 იან

კაცს, რომელიც 14-წლამდე გერს აუპატიურებდა, 16 წლით პატიმრობა მიესაჯა