საქართველოს ადვოკატთა ასოციაცია 20 წლისაა!

დღეს, საქართველოს ადვოკატთა ასოციაციისთვის განსაკუთრებული დღეა – ასოციაცია 20 წლის იუბილეს აღნიშნავს! ეს არის ეტაპი, რომელიც ხაზს უსვამს პროფესიის განვითარებაში, დამოუკიდებლობასა და მაღალი ეთიკური სტანდარტების დანერგვაში შეტანილ უდიდეს წვლილს.

იუბილე საზეიმოდ აღინიშნება ასოციაციის ახალ ოფისში, სადაც გაიმართება საზეიმო დაჯილდოების ცერემონია

აღმასრულებელი საბჭოს გადაწყვეტილებით, ასოციაციის განვითარების საქმეში შეტანილი მნიშვნელოვანი წვლილისთვის, საიუბილეო მედლით დაჯილდოვდებიან ისინი, ვინც 2005 წლიდან დღემდე აქტიურად მონაწილეობდა ორგანიზაციის მშენებლობაში.

ჯილდო გადაეცემათ:

• ასოციაციის ყველა არჩევითი ორგანოს (აღმასრულებელი საბჭო, ეთიკის კომისია, სარევიზიო კომისია) წევრებს;
• ასოციაციის მიერ დამოუკიდებელ საბჭოებში გამწესებულ ადვოკატებს;
• საპარლამენტო წარმომდგენლებს.

იურიდიული კომპანია OK&CG სიამაყით ულოცავს ყველა კოლეგას ამ დამსახურებულ აღიარებას!

გამორჩეულად ვულოცავთ ჩვენი კომპანიის დამფუძნებელსა და დირექტორს ეთიკის კომისიის მოქმედ წევრს - ოთარ კაჭკაჭაშვილს და ჩვენი გუნდის სახელით ვუსურვებთ ულევ წარმატებას და კიდევ მრავალ მიღწევას!

ადვოკატთა ასოციაციას კი ვუსურვებთ კიდევ მრავალ ნაყოფიერ ათწლეულს!