error2041 2018.07.10
ჯანდაცვის სამინისტრო დასაქმების სერვისების კანონპროექტზე მუშაობს

ჯანდაცვის სამინისტრო ევროკავშირის პროექტების ფარგლებში დასაქმების სერვისების კანონპროექტზე მუშაობს, რომლის ამოქმედების შემდეგაც დასაქმების კონკრეტული სამიზნე ჯგუფები გაიწერება. 

როგორც ჯანადაცვის სამინისტროს შრომის და დასაქმების სამსახურის ხელმძღვანელი ელზა ჯგერენაია განმარტავს, მთავარი მიზანი სოციალურ შემწეობაზე დამოკიდებული მოსახლეობის მოტივაციის გაზრდაა, რათა მათ შემოსავლების მიღება გაწეული სამუშაოს სანაცვლოდ შეძლონ. 

"დასაქმების სერვისების კანონპროექტი კონკრეტული სერვისების გაწერას და ჩამოყალიბებას გულისხმობს, მასში გაწერილი იქნება სამიზნე ჯგუფები, განისაზღვრება სამუშაოს მაძიებელთა სია. უმთავრესი მიზანი კი სოციალურ შემწეობაზე დამოკიდებული მოსახლეობის დასაქმებისთვის მოტივაციის გაზრდა, მათი გააქტიურება და შრომის ბაზარზე მათი ინტეგრაციაა",- აცხადებს ჯგერენაია. 

პროექტი ამ ეტაპზე ჯანდაცვის სამინისტროში მუშავდება და როგორც ელზა ჯგერენაია აცხადებს მისი განხილვები საკანონმდებლო ორგანოში და შესაბამისად საჯარო სივრცეში უახლოეს პერიოდში იგეგმება. 

"ჩვენი სამინისტროს მთავარი ამოცანა სერვისების მიწოდება და მათი გაუმჯობესებაა, როგორც ხარისხობრივი ასევე რაოდენობრივი თვალსაზრისით. ამ ეტაპზე სამინისტრო ახალ დოკუმენტზე, შრომისა და დასაქმების ახალ სტრატეგიაზე მუშაობს, რომელსაც 4 წლიანი სამოქმედო გეგმა აქვს და რომელშიც ის აქტივობები გაიწერება სადაც, სამუშაო მაძიებლებისათვის მომდევნო 4 წლის განმავლობაში განსახორციელებელი გეგმები მოხვდება. მათ შორის არის მომზადება გადამზადების სერვისები, რომელიც კონსულიტირებას, კარიერის დაგეგმვას ეხება და რაც დაბალკონკურენტუნარიანი მოსახლეობის კვალიფიკაციის დონეს გაზრდის, რაც მას დასამქებაში ხელს შეუწყობს”,- განმარტავს საქართველოს შრომის, ჯანმრთელობისა და სოციალური დაცვის სამინისტროს შრომისა და დასაქმების პოლიტიკის დეპარტამენტის უფროსი.

 

წყარო: bm.ge

სხვა სიახლეები
22 მარ

"მომავლის იურისტთა სკოლის" კურსდამთავრებულების სტაჟირება OK&CG-ში

15 მარ

შეხვედრა სამცხე-ჯავახეთის სახელმწიფო უნივერსიტეტში

26 დეკ

"OK&CG"-ისა და "IBSU"-ის ურთიერთთანამშომლობის მემორანდუმი

14 დეკ

მედიატორთა ფიცის დადების ცერემონიალი

13 დეკ

საერთაშორისო ფორუმი - მედიაცია იურისტებისთვის

13 აპრ

19 აპრილს ონლაინ საჯარო ლექცია "უძრავი ქონების ტრანზაქციები - საბროკერო საქმიანობა და სამართლებრივი რეგულირების ასპექტები საქართველოში" გაიმართება

29 მარ

ადვოკატთა საკვალიფიკაციო გამოცდაზე რეგისტრაცია 3 აპრილს დასრულდება

06 მარ

„OK&CG“ განცხადება ,,უცხოური გავლენის გამჭვირვალობის შესახებ“ კანონპროექტთან დაკავშირებით

14 თებ

ანაზღაურებადი სტაჟირება „OK&CG“ -ში

17 იან

კაცს, რომელიც 14-წლამდე გერს აუპატიურებდა, 16 წლით პატიმრობა მიესაჯა