ბიზნესის სტატუსის განსაზღვრაზე პარლამენტში მუშაობა დაიწყება, - ამ ინიციატივას საკანონმდებლო დონეზე დეპუტატი ლევან კობერიძე დააყენებს. ამის შესახებ უმრავლესობის წევრმა თავად განაცხადა. 

მისი თქმით, დღეს მხოლოდ შემოსავლების მიხედვით ხდება სტატუსის განსაზღვრა, რაც უნდა შეიცვალოს და საკანონმდებლო დონეზე უნდა განისაზღვროს კონკრეტულად რას ნიშნავს მიკრო მეწარმე, მცირე ბიზნესი და ა.შ. 

„ძალიან მალე ჩვენი კომიტეტის მიერ ინიცირებული იქნება, რომ კანონის ფარგლებში განისაზღვროს რა არის მცირე და საშუალო მეწარმეობა, მიკრომეწარმეობა და ა.შ. რეალურად არ არსებობს საკანონმდებლო ბაზა, სადაც იქნება ეს განმარტებები, რომელიც საფუძვლად უნდა დაედოს ყველა ეკონომიკურ რეფორმას. 

ამ საკითხზე მთავრობასთან და ბიზნესთან ერთად ვიმსჯელებთ. რა თქმა უნდა ვიხელმძღვანელებთ საერთაშორისო სტანდარტებით, თუმცა ეს ადაპტირებული უნდა იყოს ჩვენს რეალობასთან“,- განაცხადა ლევან კობერიძემ.