error203 2022.11.24
„ბიზნეს დავების განხილვის გერმანული მოდელი და მისი ინტეგრირების პერსპექტივა ქართულ სამართლებრივ სივრცეში“

„ბიზნეს დავების განხილვის გერმანული მოდელი და მისი ინტეგრირების პერსპექტივა ქართულ სამართლებრივ სივრცეში“ - ამ სახელწოდების ღონისძიება გაიმართა დღეს, საერთაშორისო სამართლებრივი თანამშრომლობის გერმანული ფონდის მიერ ორგანიზებით, სასტუმრო „პულმანში“,

 

კონფერენციას, რომლის მიზანიც გახლდათ ბიზნეს დავების განხილვის გერმანული მოდელის ფართო საზოგადოებისთვის გაცნობა და ქართულ სამართლებრივ სივრცეში ინტეგრირება, ესწრებოდნენ ადვოკატები, მოსამართლეები, ბიზნეს სექტორის წარმომადგენლები და ა.შ.

 

 

„გერმანული მოდელი სპეციალური პალატის ჩამოყალიბებას ითვალისწინებს, რომლის შემადგენლობაში ერთი პროფესიონალი მოსამართლე და ორი მსაჯული იქნება. პალატის წევრები საქართველოში მოქმედი ბიზნეს ასოციაციებისა და გაერთიანებების წარმომადგენლების მიერ დაკომპლექტდება. შერჩეული მსაჯულებისგან მსაჯულთა რეესტრი შეიქმნება, საიდანაც, კონკრეტული დავის განხილვისთვის კომერციულ პალატაში მსაჯულები აირჩევიან წინასწარ განსაზღვრული, გამჭვირვალე და ობიექტური პროცედურის საფუძველზე. 

 აღნიშნული მოდელი ითვალისწინებს, საქართველოში ისეთ გარემოს შექმნას, რაც ხელს შეუწყობს სექტორის გაძლიერებას, ინვესტიციების მოზიდვას და მნიშვნელოვნად გააუმჯობესებს კომერციულ დავებზე სასამართლო გადაწყვეტილებების ხარისხსა და სანდოობას.

 

გარდა გერმანული მოდელისა, საქართველოს ადვოკატთა ასოციაციის ეგიდით, ღონისძიებაზე წარადგენილი იყო აღნიშნული მოდელის ქართული ვერსია, რომელმაც დამსწრე საზოგადოებაში დიდი მოწონება დაიმსახურა.

 

კონფერენციას ესწრებოდა საადვოკატო ბიურო „Ok&CG“-ის დამფუძნებელი, ოთარ კაჭკაჭაშვილი, რომელიც აღნიშნავს, რომ „ზოგადად, ყოველთვის მივესალმები ინოვაციურ მიდგომებსა და სიახლეებს, რომლებიც დადებითად აისახება ჩვენს საქმიანობაზე. ბიზნეს დავების განხილვის გერმანული მოდელის ქართულ რეალობაში გადმოტანა ძალიან მნიშვნელოვანი სიახლე იქნება ჩვენი ქვეყნის სამართლის განვითარებისთვის;“

 

ფოტო: ipn.ge

სხვა სიახლეები
17 ოქტ

რატომ აუთსორს იურიდიული მომსახურება?

04 სექ

იმიტირებული გამოცდა - შესაძლებლობა ადვოკატთა საკვალიფიკაციო გამოცდის მსურველთათვის

30 მაი

ადვოკატთა პროფესიული საქმიანობის მარეგულირებელ საკანონმდებლო აქტებში შესატანი ცვლილებების პაკეტის განხილვა

21 მარ

მარტოხელა მშობლის სტატუსის მიღებასთან დაკავშირებით კანონში ცვლილება შედის

18 მარ

ადვოკატთა საკვალიფიკაციო გამოცდაზე რეგისტრაცია დაიწყო

21 თებ

პნევმატური იარაღის ბრუნვასთან დაკავშირებული წესები გამკაცრდა

01 დეკ

ადვოკატთა ასოციაციის საერთო კრება

30 აგვ

პროფესიული ადაპტაციის პროგრამაზე რეგისტაცია დაიწყო!

13 აგვ

რა შეიცვალა იარაღის შენახვისა და გადატანის წესებში?

28 ივლ

„აიისამ“ საქართველოს სტრასბურგის სასამართლოში დავა მოუგო