error 521 2019.05.03
სასოფლო-სამეურნეო მიწის საკუთრებაზე კანონპროექტს პარლამენტმა პირველი მოსმენით მხარი დაუჭირა

პარლამენტმა, პირველი მოსმენით, სასოფლო-სამეურნეო დანიშნულების მიწის საკუთრებაზე ორგანული კანონის პროექტი მიიღო. 

“სასოფლო-სამეურნეო დანიშნულების მიწის საკუთრების შესახებ“ ორგანული კანონის პროექტს 111 ხმით (13 წინააღმდეგი) დაუჭირეს მხარი. მასთან ერთად მიიღეს “მიწის მიზნობრივი დანიშნულების განსაზღვრის და სასოფლო-სამეურნეო დანიშნულების მიწის მდგრადი მართვის შესახებ“ კანონპროექტი. 

პროექტის თანახმად, სასოფლო-სამეურნეო დანიშნულების მიწას შეიძლება ფლობდეს: - სახელმწიფო, ავტონომიურ რესპუბლიკა, მუნიციპალიტეტი; საჯარო სამართლის იურიდიულ პირი; საქართველოს მოქალაქე და ასევე, საქართველოში რეგისტრირებული კერძო სამართლის იურიდიულ პირი, თუ დომინანტი პარტნიორი არის საქართველოს მოქალაქე ან ზემოთ აღნიშნული რომელიმე სუბიექტი. 

ასევე განსაზღვრულია მთავრობის დისკრეცია, სადაც გაწერილია კონკრეტული გარემოებები, თუ რა პირობებში შეიძლება მიიღოს მთავრობამ გადაწყვეტილება მიწის უცხოელზე გასხვისების შესახებ. კანონპროექტი ასევე მემკვიდრეობით ნაწილს ითვალისწინებს. 

საკანონმდებლო პაკეტი ითვალისწინებს სამეცნიერო კვლევითი ინსტიტუტის ბაზაზე საჯარო სამართლის იურიდიული პირის შექმნას. მისი დასახელება განისაზღვრა შემდეგნაირად - სსიპ მიწის მართვისა და სოფლის მეურნეობის სამეცნიერო-კვლევითი ეროვნული სააგენტო. იგი შეითავსებს ფუნქციებს, რომლებიც უკავშირდება მიწის კატეგორიებისა და ბალანსების თემას, იგი ასევე უზრუნველყოფს იმ პროცესებს, რომლებმაც მიწის ბაზის სწორად განვითარებას უნდა შეუწყოს ხელი.
 

სხვა სიახლეები
06 დეკ

ადვოკატთა ასოციაციის საერთო კრება

04 დეკ

საადვოკატო ბიურო "OK & CG" გაწეული სამართლებრივი კონსულტაციების შედეგებს აფასებს

02 დეკ

საადვოკატო ბიურო "OK & CG"-მ შრომის სამართლის ცენტრთან მემორანდუმი გააფორმა

28 ნოე

ახალციხეში ადვოკატის უფლებათა დაცვის სამცხე-ჯავახეთის რეგიონული კომიტეტი დაარსდა

20 ნოე

საადვოკატო ბიურო "OK&CG" უკანონოდ დაკავებულ ექიმს მხარდაჭერას უცხადებს

18 ნოე

საადვოკატო ბიურო "OK & CG" შრომის სამართლის ცენტრთან მემორანდუმს აფორმებს

14 ნოე

დღეს, პრო ბონო პროგრამის დანერგვის შესახებ სახელმძღვანელოს პრეზენტაცია გაიმართა

08 ნოე

OK&CG-ის დირექტორი ადვოკატთა მე-7 საერთაშორისო კონფერენციაში მონაწილეობს

08 ნოე

დღეს ადვოკატთა პროფესიული დღე აღინიშნება

06 ნოე

დავა ქორწინებამდე შეძენილი ქონების გაყოფაზე წარმატებით დასრულდა