error 1450 2019.02.04
სჭირდება თუ არა საქართველოს მეტი მოსამართლე?

„დღეს ასეთი რეალობა გვაქვს: გვყავს 271 მოსამართლე, უნდა იყოს - 800“ - აღნიშნული განცხადება ევროკავშირი-საქართველოს ბიზნესსაბჭოს გენერალურმა მდივანმა ზვიად ჭუმბურიძემ გააკეთა;

განსხვავებული პოზიცია აქვს იგივე საკითხთან მიმართებით ამერიკის სავაჭრო პალატას. „დამატებით 400 მოსამართლის დაქირავება შედეგს არ მოგვცემს“ - ასეთია ამ ბიზნესორგანიზაციის მიდგომა, რომელიც  მისმა აღმასრულებელმა დირექტორმა ჯორჯ ველტონმა აღნიშნა. 

ევროკავშირი-საქართველოს გენერალური მდივნის ზვიად ჭუმბურიძის ლოგიკა ასეთია: „ვხედავთ, რომ ბიზნესი განაჩენის გამოტანას ძალიან დიდი ხნის მანძილზე ელოდება, სანამ სასამართლო ამ გადაწყვეტილებას მიიღებს, ბიზნესი თანხასაც კარგავს, ფსიქოლოგიური განწყობაც უფუჭდება. მეორე მხრივ - ინვესტორიც აკვირდება და თუ სასამართლოში განხილვა ორი-სამი წელი მიდის, ეს პრაქტიკულად იმას ნიშნავს, რომ ინვესტორებს დავკარგავთ“. 

ამერიკის სავაჭრო პალატის აღმასრულებელი დირექტორი ჯორჯ ველტონი თავის მოსაზრებას ასე ასაბუთებს: „დღეს სასამართლოს აკლია მთავარი - გამჭვირვალობა და ნდობა, ამიტომ დამატებით მოსამართლეების დასაქმება სურათს ფუნდამენტურად ვერ შეცვლის“. 

ორივე მსხვილი ბიზნესგაერთიანების შეფასებები შედარებით უფრო უახლოვდება ერთმანეთს, როდესაც საქმე საქართველოში მოსამართლეებად უცხოელების ჩამოყვანას ეხება. ორივე ბიზნესგაერთიანებას მიაჩნია, რომ სასამართლოს დამოუკიდებლობის გასაძლიერებლად ადგილობრივი რესურსიც მოიძებნება - განსაკუთრებით ახალგაზრდებში. თუმცა თუ ევროკავშირი-საქართველოს ბიზნესსაბჭო მთლიანად გამორიცხავს საქართველოში ალბანეთის მაგალითის გამეორებას, როცა ქვეყანამ სასამართლო რეფორმის ფარგლებში უცხოელი მოსამართლეები ჩამოიყვანა და სასამართლო სისტემა მათ ჩააბარა; ამერიკის სავაჭრო პალატას მიაჩნია, რომ სასამართლო სფეროში საერთაშორისო ცოდნისა და ექსპერტიზის გავრცელება ღირებული იქნებოდა. 

 

 

წყარო:http://www.bm.ge/ka/article/schirdeba-tu-ara-saqartvelos-meti-mosamartle-/29351

სხვა სიახლეები
30 ნოე

„OK&CG“-სა და „საქართველოს უძრავი ქონების ეროვნულ ასოციაციას” შორის ურთიერთთანამშრომლობის მემორანდუმი გაფორმდა

22 ოქტ

საადვოკატო ბიურო „OK&CG“-მ 11 წლიანი სამართლებრივი დავა პროკურატურის წინააღმდეგ წარმატებით დაასრულა

30 სექ

ვაკანსია „OK&CG“ აცხადებს ვაკანსიას ადვოკატის თანაშემწის (მწერალი თანაშემწე) პოზიციაზე!

10 სექ

ადვოკატთა საკვალიფიკაციო გამოცდაზე რეგისტრაცია დაიწყო

09 სექ

„ახალი კოვიდ-რეგულაციები“

31 აგვ

პროფესიული ადაპტაციის პროგრამაზე რეგისტრაცია დაიწყო

24 აგვ

სისტემატიური ძალადობა, რომელმაც არასრულწლოვანი,სავარაუდოდ, თვითმკვლელობამდე მიიყვანა

27 ივლ

მერიის მოთხოვნა შენობის დემონტაჟის შესახებ სასამართლომ არ დააკმაყოფილა-OK&CG-მ კიდევ ერთი დავა მოიგო

22 მაი

შემზღუდავი ღონისძიებები საგანგებო მდგომარეობის გამოცხადების გარეშე-ცვლილელები კანონპროექტში

15 მაი

22 მაისის შემდეგ საგანგებო მდგომარეობა აღარ გაგრძელდება,რიგი შეზღუდვები კი ძალაში რჩება