error 352 2019.01.04
რა შემთხვევაში არ ექნება პირს თავდებობის უფლება

მიმდინარე წლის 1-ლი იანვრიდან სესხის გამცემი სუბიექტებისთვის პასუხისმგებლიანი დაკრედიტების სისტემა ამოქმედდა. კერძოდ, ეროვნული ბანკის დებულების თანახმად, სესხის გამცემ სუბიექტებს ფიზიკური პირის გადახდისუუნარობის შესწავლის გარეშე სესხის გაცემა ეკრძალებათ.

დებულება თავდებობასაც აწესრიგებს და აღსანიშნავია, რომ 1-ლი იანვრიდან არა მხოლოდ მსესხებლის, არამედ მისი თავდები პირის შემოსავლების შემოწმებაც სავალდებულო გახდა. ამასთან, ამ რეგულირებით იზღუდება და იკრძალება სესხის გამცემის მიერ თავდებად ისეთი პირის გამოყენება, ვისაც სესხის მომსახურების საკმარისი შემოსავლები არ გააჩნია.

„სესხის გამცემს შეუძლია მსესხებელთან ერთად დამატებით ფიზიკური პირის თავდებობის გამოყენება, მაგრამ მხოლოდ იმ თანხის ფარგლებში, რისი მომსახურების რესურსიც აქვს თავდებს ამ დებულების შესაბამისად. იმ შემთხვევაში, თუ თავდები პირი წარმოადგენს მსესხებელი იურიდიული პირის მმართველი ორგანოს წევრს/პარტნიორს/აქციონერს ან მათი საოჯახო მეურნეობის წევრს, თავდების მიერ საკრედიტო კოეფიციენტების დაკმაყოფილება სავალდებულო არ არის,“- აღნიშნულია სებ-ის მიერ გავრცელებულ ინფორმაციაში.

გარდა ამისა, შეგახსენებთ, რომ ამ დებულებით, დგინდება ერთიანი ჭერი იმაზე, თუ რა ხანგრძლივობის შეიძლება იყოს ამა თუ იმ ტიპის სესხი. მაგალითად, იპოთეკური სესხის მაქსიმალურ ვადად 15 წელი, სატრანსპორტო სესხის ვადად 6 წელი, უძრავი ქონებით უზრუნველყოფილი სამომხმარებლო სესხის ვადად 10 წელი, ხოლო სხვა ნებისმიერი ტიპის სესხის მაქსიმალურ ვადად 4 წელი განისაზღვრა.

სხვა სიახლეები
14 იან

„2018 წლის განმავლობაში მორიგებით 15 ათასამდე საქმე დასრულდა“

08 იან

რა წერია საპენსიო რეფორმის შესახებ საკონსტიტუციო სარჩელში

04 იან

რა რეგულაციები ამოქმედდა სესხის აღებასთან დაკავშირებით?

03 იან

დღეიდან დაგროვებითი საპენსიო რეფორმა ამოქმედდა

28 დეკ

ოჯახში ძალადობის ჩამდენი პირებისთვის სასჯელი გამკაცრდა

27 დეკ

რა ცვლილებები და რეგულაციები ამოქმედდა 2018 წელს საქართველოში

26 დეკ

ადვოკატთა ასოციაციის განცხადება უზენაესი სასამართლოს მოსამართლეობის კანდიდატთა ნომინირებასთან დაკავშ

25 დეკ

თსუ-ში ადვოკატთა ასოციაციის საერთო კრება გაიმართა

24 დეკ

იუსტიციის უმაღლესმა საბჭომ უზენაეს სასამართლოში წარსადგენი მოსამართლეთა 10 კანდიდატურა დაასახელა

21 დეკ

სასამართლო სისტემის 2017-18 წლის სამოქმედო გეგმა