error5934 2018.06.16
უძრავი ქონების ყიდვა-გაყიდვასთან დაკავშირებული წესები მკაცრდება

პარლამენტი განიხილავს ფინანსთა სამინისტროს მიერ შემუშავებულ საკანონმდებლო პაკეტს, რომლის მიღების შემთხვევაშიც, უძრავი ქონების ყიდვა-გაყიდვასთან დაკავშირებული წესები მკაცრდება. მთავრობის ინიციატივით აიკრძალება უძრავი ქონების გარიგების ნაღდი ფულის სახით დადება და ის მხოლოდ უნაღდო ანგარიშსწორების მეშვეობით იწარმოებს. ამასთანავე, ცვლილება შედის ადმინისტრაციულ სამართალდარღვევათა კოდექსშიც, რომლის შედეგადაც უძრავი ქონების საფასურის უნაღდო ანაგრისსწორების მეშვეობით დაფარვის წესის დარღვევის შემთხვევაში ჯარიმები წესდება.  პირველადი სასჯელი გაფრთხილებაა, ხოლო ამ გაფრთხილებიდან 30 დღის განმავლობაში "სამართალდარღვევის საფუძვლის აღმოუფხვრელობა - გამოიწვევს პირის დაჯარიმებას 10 000 ლარის ოდენობით", - წერია პროექტში. ეს მამუკა ბახტაძის უწყების მიერ შემუშავებული ერთ-ერთი უკანასკნელი რეგულაციაა. ამავე საკანონმდებლო პაკეტით იზღუდება ლომბარდებისა და კერძო გამსესხებლების (ე.წ. მევახშეების) მიმართ ავტომობილებისა და უძრავი ქონების დაგირავება, ქვეყანაში სესხებზე მაქსიმალური საპროცენტო განაკვეთი 100%-დან 50%-მდე მცირდება. კიდევ ერთი ცვლილება რაც მამუკა ბახტაძემ წარადგინა, არის განვადებებისა და სალიზინგო ხელშეკრულებების უცხოურ ვალუტაზე ინდექსირების აკრძალვა. კანონპროექტის მიხედვით, 100,000 ლარამდე საგანვადებო და სალიზინგო ხელშეკრულებების რაიმე სახით უცხოურ ვალუტაზე ინდექსირება აიკრძალება. კანონის ამ მოთხოვნის დარღვევა 1000 ლარამდე ჯარიმას ითვალისწინებს.

სხვა სიახლეები
06 მარ

„OK&CG“ განცხადება ,,უცხოური გავლენის გამჭვირვალობის შესახებ“ კანონპროექტთან დაკავშირებით

14 თებ

ანაზღაურებადი სტაჟირება „OK&CG“ -ში

17 იან

კაცს, რომელიც 14-წლამდე გერს აუპატიურებდა, 16 წლით პატიმრობა მიესაჯა

16 იან

სამშენებლო ობიექტებზე, სასტუმროებსა და რესტორნებში სამუშაო დრო 48-დან 40 საათამდე შემცირდა

15 დეკ

მედიაცია იურისტებისთვის - ყოველწლიური საერთაშორისო ფორუმი

24 ნოე

„ბიზნეს დავების განხილვის გერმანული მოდელი და მისი ინტეგრირების პერსპექტივა ქართულ სამართლებრივ სივრცეში“

17 ოქტ

რატომ აუთსორს იურიდიული მომსახურება?

04 სექ

იმიტირებული გამოცდა - შესაძლებლობა ადვოკატთა საკვალიფიკაციო გამოცდის მსურველთათვის

30 მაი

ადვოკატთა პროფესიული საქმიანობის მარეგულირებელ საკანონმდებლო აქტებში შესატანი ცვლილებების პაკეტის განხილვა

21 მარ

მარტოხელა მშობლის სტატუსის მიღებასთან დაკავშირებით კანონში ცვლილება შედის