error 1415 2017.12.18
მოსამართლეობის კანდიდატების შესარჩევი კრიტერიუმები, შესაძლოა, გაიზარდოს

 მოსამართლეობის კანდიდატების შერჩევისას კეთილსინდისიერებისა და კომპეტენტურობის კრიტერიუმებს, შესაძლოა, კიდევ ერთი კომპნონენტი დაემატოს. აღნიშნულ საკითხთან დაკავშირებით  იუსტიციის უმაღლესი საბჭო დღევანდე სხდომაზე იმსჯელებს.

 საბჭოს არამოსამართლე წევრის, ნაზი ჯანეზაშვილის განაცხადებით, იზრდება კანდიდატის მიუკერძოებლობის შეფასების არეალი და ამიერიდან მისი პროცესში მხარედ ჩართულობის  ისტორიაც განიხილება.

„რაც შეეხება შერჩევის წესს, ეს ცვლილებები განპირობებულია საერთო სასამართლოების სისტემის რეფორმის ფარგლებში. როგორც იცით, ჩვენ გვაქვს სტრატეგია, რომელსაც აქვს ორწლიანი სამოქმედო გეგმა და სამოქმედო გეგმის ფარგლებში საბჭოს გარკვეული ვალდებულებები აქვს. იუსტიციის უმაღლესი საბჭოს მიერ წარმოდგენილი ცვლილება, რომელიც დღეს განიხილება, ეხება სწორედ კანდიდატებთან დაკავშირებულ საკითხს. კერძოდ, თუ როგორ შეიძლება, მოხდეს იმ საკითხების შესწავლა, რომ ესა თუ ის კანდიდატი იქნება მიუკერძოებელი. საუბარია იმაზე, რომ ემატება ერთი კომპონენტი და ეს გახლავთ კანდიდატის მონაწილეობა სასამართლო განხილვებში, როგორც მხარედ, ანუ როდესაც მის მიმართ არის წარმოებული ადმინისტრაციული ან სამოქალაქო საქმე, როგორი იყო მისი ქცევა ასეთი სამართალწარმოების დროს,“- განაცხადა ნაზი ჯანეზაშვილმა.

 

 აქამდე, მოსამართლეობის კანდიდატების შერჩევის წესის დამტკიცების შესახებ“ საქართველოს იუსტიციის უმაღლესი საბჭოს 2009 წლის 9 ოქტომბრის N1/308 გადაწყვეტილების კონსოლიდირებული ვერსიით, კანდიდატების შეფასების კრიტერიუმები ასე გამოიყურება:
1.„მოსამართლეოიბს კანდიდატების შეფასება ხორციელდება ორი ძირითადი კრიტერიუმის - კეთილსინდისიერებისა და კომპეტენტურობის საფუძველზე. “

2.კეთილსინდისიერების ძირითადი კრიტერიუმების მახასიათებლებია:
ა)პიროვნული და პროფესიული კეთილსინდისიერება;
ბ)დამოუკიდებლობა, მიუკერძოებლობა, სამართლიანობა;
გ)სამოსამართლო ტემპერამენტი და პროფესიული ქცევა;
დ)საქმიანი მორალი და რეპუტაცია;
3.კომპეტენტურობის ძირითადი კრიტერიუმების მახასიათებლებია:
ა)პროფესიული კომპეტენცია და სამართლებრივი დასაბუთების უნარი;
ბ)მენეჯერული და სხვა პროფესიული უნარები;
გ)წარსული საქმიანობა გამოცდილება;
დ)აკადემიური მიღწევები და პროფესიული ზრდა;
ე)წერის უნარი;
ვ)ზეპირი კომუნიკაციის უნარი.

 

 იუსტიციის უმაღლესი საბჭო დღის წესრიგით გათვალისწინებულ სულ 8 საკითხს განიხილავს.

 შეგახსენებთ, რომ იუსტიციის უმაღლესი საბჭო მოსამართლეობის მსურველ 82 კანდიდატთან გასაუბრებას 26 დეკემბრიდან დაიწყებს.

 

წყარო: IPN.ge

 

სხვა სიახლეები
30 სექ

ვაკანსია „OK&CG“ აცხადებს ვაკანსიას ადვოკატის თანაშემწის (მწერალი თანაშემწე) პოზიციაზე!

10 სექ

ადვოკატთა საკვალიფიკაციო გამოცდაზე რეგისტრაცია დაიწყო

09 სექ

„ახალი კოვიდ-რეგულაციები“

31 აგვ

პროფესიული ადაპტაციის პროგრამაზე რეგისტრაცია დაიწყო

24 აგვ

სისტემატიური ძალადობა, რომელმაც არასრულწლოვანი,სავარაუდოდ, თვითმკვლელობამდე მიიყვანა

27 ივლ

მერიის მოთხოვნა შენობის დემონტაჟის შესახებ სასამართლომ არ დააკმაყოფილა-OK&CG-მ კიდევ ერთი დავა მოიგო

22 მაი

შემზღუდავი ღონისძიებები საგანგებო მდგომარეობის გამოცხადების გარეშე-ცვლილელები კანონპროექტში

15 მაი

22 მაისის შემდეგ საგანგებო მდგომარეობა აღარ გაგრძელდება,რიგი შეზღუდვები კი ძალაში რჩება

10 მაი

იურიდიული კომპანია OK&CG კონსულტაციის ახალ ფორმატს, ვიდეო კონსულტაციებს ნერგავს

11 მარ

ახალ კორონა (COVID-19) ვირუსთან დაკავშირებით საადვოკატო ბიურო "OK&CG" განცხადებას ავრცელებს