error 1237 2017.12.18
21 წლამდე ახალგაზრდებისთვის ონლაინ კაზინოებზე წვდომა აიკრძალება

საქართველოს მთავრობა ახალ კანონპროექტზე მუშაობს, რომლის მიხედვითაც ონლაინ კაზინოებსა და ტოტალიზატორებზე დარეგისტრირებული ადამიანების ანგარიშები უნდა გაუქმდეს. კანონპროექტის ამოქმედების შემთხვევაში, ერთიანი ბაზა და ასევე აზარტომანების (ლუდომანია) შავი სია შეიქმნება;  ხელისუფლების განმარტებით, აღნიშნული ცვლილების მიზანი აზარტული თამაშებიდან არასრულწლოვნების და 21 წლამდე ასაკის ახალგაზრდების ჩამოშორებაა.

 

 პროექტი პირველი მოსმენით საკანონმდებლო ორგანოს იურიდიულმა კომიტეტმა განიხილა, შენიშვნები კი ფინანსთა სამინისტროს გადაუგზავნა.


 სათამაშო ბიზნესის წარმომადგენლები მიიჩნევენ, რომ ეს მხოლოდ პოპულისტური ნაბიჯია, რადგან პრობლემის ამ ფორმით მოგვარება შეუძლებელია. მისი მიღების შემთხვევაში ფინანსურად დაზარალება როგორც ბიზნეს სექტორი, ასევე ბიუჯეტიც. მათივე თქმით, კანონპროექტის დამტკიცების შემთხვევაში არალეგალური,  ე.წ. ხელზე თამაშები რეალური საფრთხე იქნება.


 მთავრობის ინიციატივასთან დაკავშირებით კომენტარი გააკეთეს ფსიქოლოგებმაც. მათი განმარტებით, აზარტომანებზე მსგავსი ტიპის აკრძალვა უკურეაქციას გამოიწვევს, მათი სიების მეშვეობით გამოყოფა  დანარჩენი საზოგადოებისგან კი ერთგვარ დისკრიმინაციას დაამკვიდრებს.


 მთავრობის საკანონმდებლო ინიციატივას ეხმიანება საადვოკატო ბიურო „Ok&CG“. ადვოკატ ანა გორდეზიანის განმარტებით, „დღეს მოქმედი კანონმდებლობა ნაკლებად არეგულირებს მსგავს საკითხებს, რის გამოც შესაძლოა, ითქვას, რომ ონალიან კაზინოებისა და ტოტალიზატორების სეგმენტთან მიმართებით სამართლებრივ ვაკუუმთან გვაქვს საქმე.

 იმ შემთხვევაში, თუ ახალი კანონპროექტის ფარგლებში დაწესდება ქმედითი რეგულაციები, ვფიქრობ, აღნიშნული მნიშვნელოვნად გააუმჯობესებს მოქალაქეთა უფლებების დაცვის  სტანდარტს“.

 

 პარლამენტი მთავრობის ინიციატივის განხილვას საგაზაფხულო სესიებიდან გააგრძელებს, შესაბამისად, ჯერჯერობით უცნობია, რა გადაწყვეტილებას მიიღებს აღნიშნულ კანონპროექტთან საკანონმდებლო ორგანო.

 

წყარო: რუსთავი 2

სხვა სიახლეები
30 სექ

ვაკანსია „OK&CG“ აცხადებს ვაკანსიას ადვოკატის თანაშემწის (მწერალი თანაშემწე) პოზიციაზე!

10 სექ

ადვოკატთა საკვალიფიკაციო გამოცდაზე რეგისტრაცია დაიწყო

09 სექ

„ახალი კოვიდ-რეგულაციები“

31 აგვ

პროფესიული ადაპტაციის პროგრამაზე რეგისტრაცია დაიწყო

24 აგვ

სისტემატიური ძალადობა, რომელმაც არასრულწლოვანი,სავარაუდოდ, თვითმკვლელობამდე მიიყვანა

27 ივლ

მერიის მოთხოვნა შენობის დემონტაჟის შესახებ სასამართლომ არ დააკმაყოფილა-OK&CG-მ კიდევ ერთი დავა მოიგო

22 მაი

შემზღუდავი ღონისძიებები საგანგებო მდგომარეობის გამოცხადების გარეშე-ცვლილელები კანონპროექტში

15 მაი

22 მაისის შემდეგ საგანგებო მდგომარეობა აღარ გაგრძელდება,რიგი შეზღუდვები კი ძალაში რჩება

10 მაი

იურიდიული კომპანია OK&CG კონსულტაციის ახალ ფორმატს, ვიდეო კონსულტაციებს ნერგავს

11 მარ

ახალ კორონა (COVID-19) ვირუსთან დაკავშირებით საადვოკატო ბიურო "OK&CG" განცხადებას ავრცელებს