1. მიკრო ბიზნესის სტატუსის მქონე ფიზიკურ პირებზე;
2. მცირე ბიზნესის სტატუსის მქონე მეწარმე ფიზიკურ პირებზე და
3. ფიქსირებული გადასახადის გადამხდელის სტატუსის მქონე პირებზე.
მიკრო ბიზნესის სტატუსი შეიძლება მიენიჭოს ისეთ ფიზიკურ პირს, რომელიც არ იყენებს დაქირავებულ პირთა შრომას და დამოუკიდებლად ეწევა ეკონომიკურ საქმიანობას, რომლიდანაც მის მიერ მისაღები ჯამური ერთობლივი შემოსავალი კალენდარული წლის განმავლობაში არ აღემატება 30 000 ლარს.
მიკრო ბიზნესის სტატუსის მქონე პირი პირველადი საგადასახადო დოკუმენტის გამოწერისას ვალდებულია დოკუმენტში მიუთითოს თავისი სტატუსის შესახებ და სტატუსის სერტიფიკატის ნომერი.
მცირე ბიზნესის სტატუსი შეიძლება მიენიჭოს მეწარმე ფიზიკურ პირს.
მნიშვნელოვანია აღინიშნოს, რომ საქართველოს პარლამენტის საფინანსო-საბიუჯეტო კომიტეტთან შეთანხმებით, საქართველოს მთავრობას უფლება აქვს, განსაზღვროს შემოსავლის სახეები, რომლებიც არ დაიბეგრება სპეციალური რეჟიმით და არ გაითვალისწინება ერთობლივ შემოსავალში მცირე ბიზნესის სტატუსის მქონე ფიზიკური პირისთვის დადგენილი კალენდარული წლის განმავლობაში მიღებული ერთობლივი შემოსავლის 500 000-ლარიანი ზღვრის, ხოლო ღვინის ტურიზმის საქმიანობის სუბიექტისა და აგროტურისტული საქმიანობის სუბიექტის შემთხვევაში − 700 000-ლარიანი ზღვრის გაანგარიშებისას.
მცირე ბიზნესის სტატუსის მქონე მეწარმე ფიზიკური პირი, რომელსაც წარმოეშვა დღგ-ის გადამხდელად სავალდებულო რეგისტრაციის ვალდებულება, საგადასახადო კოდექსის 165-ე მუხლის შესაბამისად ვალდებულია გატარდეს რეგისტრაციაში და აღრიცხოს ამ მომენტისთვის არსებული სასაქონლო-მატერიალური მარაგების ნაშთი.
ფიქსირებული გადასახადის გადამხდელი შეიძლება იყოს პირი, რომელიც არ არის დამატებული ღირებულების გადასახადის გადამხდელი და ახორციელებს ფიქსირებული გადასახადით დასაბეგრ ერთ ან ერთზე მეტ საქმიანობას.
ფიქსირებული გადასახადის განაკვეთი საქართველოს მთავრობის მიერ განსაზღვრული საქმიანობის სახეების მიხედვით შეიძლება იყოს:
1. დაბეგვრის ობიექტზე − 1 ლარიდან 2000 ლარის ფარგლებში;
2. დასაბეგრი საქმიანობიდან მიღებული შემოსავლის 3 პროცენტი.
მნიშვნელოვანია აღინიშნოს, რომ ფიქსირებული გადასახადით დასაბეგრი საქმიანობიდან მიღებული შემოსავალი არ ჩაირთვება ფიქსირებული გადასახადის გადამხდელის ერთობლივ შემოსავალში და შემდგომ დაბეგვრას არ ექვემდებარება.
თუკი პირს სურს მიკრო და მცირე ბიზნესის ან ფიქსირებული გადასახადის გადამხდელის სტატუსის მიღება, ამისათვის მან უნდა მიმართოს საგადასახადო ორგანოს, რომელიც მის სახელზე გასცემს შესაბამისი სტატუსის სერტიფიკატს.
მიკრო ბიზნესის სტატუსის მქონე პირი, ასევე ფიქსირებული გადასახადის გადამხდელი პირველადი საგადასახადო დოკუმენტის გამოწერისას ვალდებულია დოკუმენტში მიუთითოს როგორც თავისი სტატუსი (მიკრო ან მცირე ბიზნესის, ასევე ფიქსირებული გადასახადის გადამხდელის სტატუსი) და ასევე, საგადასახადო ორგანოს მიერ გაცემული სტატუსის სერტიფიკატის ნომერი.
განხორციელებული ცვლილებების შემდგომ, დღეის მდგომარეობით:
თუკი უფრო მეტი დეტალი დაგაინტერესებთ, დაგვიკავშირდით.
კითხვების შემთხვევაში, ჩვენ დაგეხმარებით.
როგორ და ვის შეიძლება დაენიშნოს მეურვე/მზრუნველი?
გადასახადის ცნება, არსი და სახეები
რას არის პერსონალური მონაცემი?
08 ნოემბერი - ადვოკატების დღეა!
"მომავლის იურისტთა სკოლის" კურსდამთავრებულების სტაჟირება OK&CG-ში
შეხვედრა სამცხე-ჯავახეთის სახელმწიფო უნივერსიტეტში
"OK&CG"-ისა და "IBSU"-ის ურთიერთთანამშომლობის მემორანდუმი
მედიატორთა ფიცის დადების ცერემონიალი
საერთაშორისო ფორუმი - მედიაცია იურისტებისთვის
19 აპრილს ონლაინ საჯარო ლექცია "უძრავი ქონების ტრანზაქციები - საბროკერო საქმიანობა და სამართლებრივი რეგულირების ასპექტები საქართველოში" გაიმართება