error2168 2019.02.23
რამდენმა ადამიანმა დაარღვია თამბაქოს კონტროლის შესახებ კანონი?

დღე­ი­სათ­ვის მსოფ­ლი­ო­ში 1.1 მი­ლი­არ­დი მწე­ვე­ლია. ჯან­მრთე­ლო­ბის მსოფ­ლიო ორ­გა­ნი­ზა­ცი­ის (WHO) მო­ნა­ცე­მე­ბით, თამ­ბა­ქოს მო­ხმა­რე­ბის შე­დე­გად ყო­ველ­წლი­უ­რად მსოფ­ლი­ო­ში 7 მი­ლი­ონ­ზე მეტი ადა­მი­ა­ნი იღუ­პე­ბა.

თამ­ბა­ქოს­თან და­კავ­ში­რე­ბუ­ლი მი­ზე­ზე­ბით ყო­ველ 6 წამ­ში, სა­შუ­ა­ლოდ, 1 ადა­მი­ა­ნი კვდე­ბა.

გლო­ბა­ლუ­რად, მწე­ვე­ლია მა­მა­კაც­თა 40% და ქალ­თა 9%. მე-20 სა­უ­კუ­ნე­ში თამ­ბა­ქომ 100 მი­ლი­ო­ნი ადა­მი­ა­ნის სიკ­ვდი­ლი გა­მო­იწ­ვია. არ­სე­ბუ­ლი ტენ­დენ­ცი­ის შე­ნარ­ჩუ­ნე­ბის შემ­თხვე­ვა­ში, 21-ე სა­უ­კუ­ნე­ში თამ­ბა­ქოს მი­ზე­ზით 1 მი­ლი­არ­დი ადა­მი­ა­ნი გარ­და­იც­ვლე­ბა. 

 

2018 წლის 1 მა­ი­სი­დან სა­ქარ­თვე­ლო­ში მო­წე­ვა აიკ­რძა­ლა სა­ზო­გა­დო­ებ­რი­ვი თავ­შეყ­რის შე­ნო­ბა-ნა­გე­ბო­ბებ­ში, სა­ზო­გა­დო­ებ­რივ ტრან­სპორ­ტში, კაფე-ბა­რებ­ში... ასე­ვე, სა­ვალ­დე­ბუ­ლო გახ­და შე­ნო­ბის ტე­რი­ტო­რი­ა­ზე - ყვე­ლა შე­სას­ვლელ­სა და სხვა თვალ­სა­ჩი­ნო ად­გი­ლას თამ­ბა­ქოს მო­წე­ვის აკ­რძალ­ვას­თან და­კავ­ში­რე­ბუ­ლი წე­სე­ბის და ამ­კრძა­ლა­ვი ნიშ­ნის გან­თავ­სე­ბა.

კა­ნო­ნი თით­ქმის ათი თვეა მოქ­მე­დებს, თუმ­ცა რო­გორც ჩანს, გარ­კვე­უ­ლი კა­ნონ­დარ­ღვე­ვე­ბი ჯერ კი­დევ ფიქ­სირ­დე­ბა. შსს-ს სა­ინ­ფორ­მა­ციო ანა­ლი­ტი­კუ­რი დე­პარ­ტა­მენ­ტის სა­ინ­ფორ­მა­ციო ცენ­ტრის მო­ნა­ცე­მე­ბით 2018 წლის 1-ელი მა­ი­სი­დან 31 დე­კემ­ბრის ჩათ­ვლით გა­მოვ­ლინ­და თამ­ბა­ქოს მოხ­მა­რე­ბის წე­სე­ბის დარ­ღვე­ვის 271 შემ­თხვე­ვა. აქე­დან 216 შემ­თხვე­ვა­ში - წე­სე­ბი ფი­ზი­კურ­მა პი­რებ­მა და­არ­ღვი­ეს, ხოლო 55 - იუ­რი­დი­ულ­მა პი­რებ­მა.

ჯერ კი­დევ აქ­ტუ­ა­ლუ­რია სა­ზო­გა­დო­ებ­რივ ტრან­სპორ­ტში მძღო­ლის მიერ თამ­ბა­ქოს მოხ­მა­რე­ბის წე­სე­ბის დარ­ღვე­ვა. მა­გა­ლი­თად, დე­კემ­ბე­რის თვე­ში ასე­თი 3 ფაქ­ტი და­ფიქ­სირ­და სა­ქარ­თვე­ლო­ში.

რაც შე­ე­ხე­ბა მა­ტა­რებ­ლით მგზავ­რო­ბი­სას სარ­კი­ნიგ­ზო ტრან­სპორ­ტში თამ­ბა­ქოს მოხ­მა­რე­ბის წე­სე­ბის დარ­ღვე­ვას, ბოლო თვე­ე­ბის გან­მავ­ლო­ბა­ში არც ერთი ფაქ­ტი არ გა­მოვ­ლე­ნი­ლა.

შე­და­რე­ბით მტკივ­ნე­უ­ლია სი­ტუ­ა­ცია და­წე­სე­ბუ­ლე­ბე­ბის მი­მარ­თუ­ლე­ბით, რო­მელ­თაც ევა­ლე­ბათ შე­ნო­ბა-ნა­გე­ბო­ბის ტე­რი­ტო­რი­ა­ზე აღ­კვე­თონ თამ­ბა­ქოს მოხ­მა­რე­ბის ფაქ­ტე­ბი, გა­მო­აკ­რან ამ­კრძა­ლა­ვი ნი­შა­ნი. დე­კემ­ბრის თვე­ში ჩა­ტა­რე­ბუ­ლი ინ­სპექ­ცი­ის შე­დე­გად სხვა­დას­ხვა და­წე­სე­ბუ­ლე­ბა­ში დარ­ღვე­ვის 19 ფაქ­ტი და­ფიქ­სირ­და - და­წე­სე­ბუ­ლე­ბა­ში იყო სა­ფერ­ფლე, ასე­ვე თამ­ბა­ქოს ნამ­წვის კვა­ლი სუნი.

და­ა­ვა­დე­ბა­თა კონ­ტრო­ლი­სა და­სა­ზო­გა­დო­ე­ბრი­ვი ჯან­მრთე­ლო­ბის ეროვ­ნუ­ლი ცენ­ტრის ხელ­მძღვა­ნე­ლი ამი­რან გამ­ყრე­ლი­ძე მი­იჩ­ნევს, რომ მარ­თა­ლია მცი­რე დარ­ღვე­ვე­ბი ფიქ­სირ­დე­ბა, თუმ­ცა კა­ნო­ნის აღ­სრუ­ლე­ბის სა­ერ­თო დი­ნა­მი­კა წარ­მა­ტე­ბუ­ლია:

"თამ­ბა­ქო გუ­ლის კო­რო­ნა­რუ­ლი და­ა­ვა­დე­ბე­ბის, ინ­ფარ­ქტის და პე­რი­ფე­რი­უ­ლი სის­ხლძარ­ღვე­ბის და­ა­ვა­დე­ბე­ბის, კი­ბოს, ფილ­ტვის ქრო­ნი­კუ­ლი ობსტრუქ­ცი­უ­ლი და­ა­ვა­დე­ბი­სა და დი­ა­ბე­ტის მნიშ­ვნე­ლო­ვან რის­კფაქ­ტორს წარ­მო­ად­გენს. ამას­თან, მსოფ­ლი­ო­ში და სა­ქარ­თვე­ლო­შიც, ნო­მე­რი პირ­ვე­ლი მკვლე­ლი გულ-სის­ხლძარ­ღვთა და­ა­ვა­დე­ბე­ბია. ამ და­ა­ვა­დე­ბებს უკავ­შირ­დე­ბა მსოფ­ლი­ო­ში სიკ­ვდი­ლის შემ­თხვე­ვე­ბის და­ახ­ლო­ე­ბით 60 პრო­ცენ­ტი, 85 პრო­ცენ­ტი ევ­რო­პა­ში და 94 პრო­ცენ­ტი სა­ქარ­თვე­ლო­ში.

თამ­ბა­ქოს კონ­ტრო­ლის შე­სა­ხებ კა­ნო­ნი, რო­მე­ლიც სა­ქარ­თვე­ლოს პარ­ლა­მენ­ტმა 2017 წელს მი­ი­ღო და 2018 წლის 1 მა­ი­სი­დან ძა­ლა­ში შე­ვი­და, ჩვე­ნი მო­ქა­ლა­ქე­ე­ბის ჯან­მრთე­ლო­ბი­სა და სი­ცო­ცხლის დაც­ვის­კენ ერთ-ერთი ყვე­ლა­ზე ქმე­დი­თად გა­დად­გმუ­ლი ნა­ბი­ჯია. კა­ნო­ნის აღ­სრუ­ლე­ბა, 10 თვის გან­მავ­ლო­ბა­ში, ჩემი აზ­რით, არ­ცთუ ური­გოდ მიმ­დი­ნა­რე­ობს. სა­ზო­გა­დო­ე­ბა სა­ბედ­ნი­ე­როდ, ძა­ლი­ან სწო­რად მო­ე­კი­და, სწო­რად გა­ი­აზ­რა ყვე­ლა­ფე­რი. ერ­თე­უ­ლი დარ­ღვე­ვე­ბი შე­საძ­ლე­ბე­ლია არის, თუმ­ცა მიმ­დი­ნა­რე­ო­ბა ცალ­სა­ხად წარ­მა­ტე­ბუ­ლია” - გან­მარ­ტავს და­ა­ვა­დე­ბა­თა კონ­ტრო­ლი­სა და­სა­ზო­გა­დო­ე­ბირ­ვი ჯან­მრთე­ლო­ბის ეროვ­ნუ­ლი ცენ­ტრის ხელ­მძღვა­ნე­ლი ამი­რან გამ­ყრე­ლი­ძე.

2017 წლის 17 მა­ისს სა­ქარ­თვე­ლოს პარ­ლა­მენ­ტმა „თამ­ბა­ქოს კონ­ტრო­ლის შე­სა­ხებ“ კა­ნონ­ში შე­სა­ტა­ნი ცვლი­ლე­ბე­ბი, ხოლო გა­სუ­ლი წლის 26 ივ­ლისს ამ კა­ნო­ნის ახა­ლი რე­დაქ­ცია და­ამ­ტკი­ცა. „თამ­ბა­ქოს კონ­ტრო­ლის შე­სა­ხებ“ სა­ქარ­თვე­ლოს კა­ნო­ნი 2018 წლის 1 მა­ი­სი­დან ამოქ­მედ­და.

 

წყარო: ambebi.ge

სხვა სიახლეები
22 მარ

"მომავლის იურისტთა სკოლის" კურსდამთავრებულების სტაჟირება OK&CG-ში

15 მარ

შეხვედრა სამცხე-ჯავახეთის სახელმწიფო უნივერსიტეტში

26 დეკ

"OK&CG"-ისა და "IBSU"-ის ურთიერთთანამშომლობის მემორანდუმი

14 დეკ

მედიატორთა ფიცის დადების ცერემონიალი

13 დეკ

საერთაშორისო ფორუმი - მედიაცია იურისტებისთვის

13 აპრ

19 აპრილს ონლაინ საჯარო ლექცია "უძრავი ქონების ტრანზაქციები - საბროკერო საქმიანობა და სამართლებრივი რეგულირების ასპექტები საქართველოში" გაიმართება

29 მარ

ადვოკატთა საკვალიფიკაციო გამოცდაზე რეგისტრაცია 3 აპრილს დასრულდება

06 მარ

„OK&CG“ განცხადება ,,უცხოური გავლენის გამჭვირვალობის შესახებ“ კანონპროექტთან დაკავშირებით

14 თებ

ანაზღაურებადი სტაჟირება „OK&CG“ -ში

17 იან

კაცს, რომელიც 14-წლამდე გერს აუპატიურებდა, 16 წლით პატიმრობა მიესაჯა