error1978 2018.12.19
კანონპროექტი -„საჯარო სამსახურში სტაჟიორები ანაზღაურებას ვეღარ მიიღებენ“

საჯარო სამსახურში სტაჟირება აღარ იქნება ანაზღაურებადი - აღნიშნულს პარლამენტში წარდგენილი კანონპროექტის ერთ-ერთ პრობლემურ საკითხად მიიჩნევს არასამთავრობო ორგანიზაცია „საერთაშორისო გამჭვირვალობა - საქართველო“.

საუბარია პარლამენტში ინიცირებულ „საჯარო სამსახურის შესახებ“ კანონში შესატანი ცვლილებების პროექტზე, რომლის ავტორიც არის საპარლამენტო ფრაქცია „ქართული ოცნება - ძლიერი საქართველოსთვის“. კანონპროექტი შრომით ბაზარზე სტაჟიორის/პრაქტიკანტის სტატუსის განსაზღვრასა და სტაჟირების პერიოდის სამუშაო სტაჟში ჩათვლას ითვალისწინებს.

კერძოდ, „საერთაშორისო გამჭვირვალობა-საქართველოს“ ცნობით, ამ კანონპროექტის მიხედვით, საჯარო სამსახურში სტაჟირებაზე არ ვრცელდება „საჯარო დაწესებულებაში შრომის ანაზღარების შესახებ” კანონი, რომელიც 2019 წლის 1 იანვრიდან უნდა ამოქმედდეს.

„საჯარო სამსახურში სტაჟირება შეიძლება იყოს ანაზღაურებადი ასევე ანაზღაურების გარეშე. შესაბამისად საკანონმდებლო ინიციატივით ამ კუთხით არსებული სამართლებრივი რეჟიმი არ იცვლება. რაც შეეხება ანაზღაურებადი სტაჟირების საკითხს, მაგალითისთვის დღევანდელი მოცემულობით საჯარო სამსახურში სტაჟიორების ანაზღაურების ოდენობა ყოველთვიურად დაახლოებით, 400-დან 700-ლარამდეა, ყოველწლიურად ანაზღაურებადი სტაჟირების საზღაური შეადგენს 4 800 ლარიდან 8 400 ლარამდე,“- ვკითხულობთ პროექტის განმარტებით ბარათში.

რაც შეეხება სტატისტიკურ მონაცემებს, თუ რამდენი სტაჟიორია ცალკეულ სამინისტროებში, აღნიშნულ მონაცემებს ასევე „საერთაშორისო გამჭვირვალობა-საქართველო“ ავრცელებს. კერძოდ, მათი ცნობით, სამთავრობო პროგრამით 2017 წელს რვა სამინისტროში, ჯამში 193 სტაჟიორი იყო და აქედან ყველაზე მეტი 63 სტაჟიორი განათლებისა და კულტურის სამინისტროში მუშაობდა; 2018 წელს კი (მხოლოდ გაზაფხულის ნაკადი) ამავე უწყებებში სულ 78; აქედან ყველაზე მეტი - 29 სტაჟიორი ასევე განათლების და კულტურის სამინისტროში მუშაობდა.

რაც შეეხება შიდა პროგრამა, 2017 წელს 11 სამინისტროში სულ 399 სტაჟიორი იყო, აქედან ყველაზე მეტი - 120 სტაჟორი ჰყავდა თავდაცვის სამინისტროს; 2018 წლის მონაცემებით კი სამინისტროებში 346 სტაჟიორი მუშაობდა, მათგან ყველაზე მეტი 79 სტაჟიორი კი წინა წლის ანალოგიურად კვლავ თავდასცვის სამინისტროში მუშაობდა

სხვა სიახლეები
22 მარ

"მომავლის იურისტთა სკოლის" კურსდამთავრებულების სტაჟირება OK&CG-ში

15 მარ

შეხვედრა სამცხე-ჯავახეთის სახელმწიფო უნივერსიტეტში

26 დეკ

"OK&CG"-ისა და "IBSU"-ის ურთიერთთანამშომლობის მემორანდუმი

14 დეკ

მედიატორთა ფიცის დადების ცერემონიალი

13 დეკ

საერთაშორისო ფორუმი - მედიაცია იურისტებისთვის

13 აპრ

19 აპრილს ონლაინ საჯარო ლექცია "უძრავი ქონების ტრანზაქციები - საბროკერო საქმიანობა და სამართლებრივი რეგულირების ასპექტები საქართველოში" გაიმართება

29 მარ

ადვოკატთა საკვალიფიკაციო გამოცდაზე რეგისტრაცია 3 აპრილს დასრულდება

06 მარ

„OK&CG“ განცხადება ,,უცხოური გავლენის გამჭვირვალობის შესახებ“ კანონპროექტთან დაკავშირებით

14 თებ

ანაზღაურებადი სტაჟირება „OK&CG“ -ში

17 იან

კაცს, რომელიც 14-წლამდე გერს აუპატიურებდა, 16 წლით პატიმრობა მიესაჯა