error 72 2018.12.07
2010 წელთან შედარებით, საქართველოში მსჯავრდებულთა რაოდენობა 13 798-ით შემცირდა

საქართველოს პენიტენციურ დაწესებულებებში 2010 წელთან შედარებით, 2018 წელს მსჯავრდებულთა რაოდენობა 13 798-ით შემცირდა. 

სტატისტიკური მონაცემების თანახმად, 2010 წელს მსჯავრდებულთა რაოდენობა 23 684-ს შეადგენდა, 2018 წლის ოქტომბრის მონაცემებით კი 9 886 გახდა.

აღსანიშნავია, რომ 2011 წელს, 2010 წელთან შედარებით მსჯავრდებულთა რაოდენობა 24 114-მდე გაიზარდა, ხოლო 2012 წლის დეკემბრის მონაცემებით 19 349-მდე შემცირდა.

რაც შეეხება 2013 წელს, საქართველოს პენიტენციურ დაწესებულებებში მსჯავრდებულთა რაოდენობამ 9 093 შეადგინა, 2014 წელს - 10 372, 2015 წელს - 9 716, 2016 წელს - 9 334, ხოლო 2017 წელს - 9 280.

საქართველოს იუსტიციის სამინისტროს სპეციალური პენიტენციური სამსახურის სტატისტიკური მონაცემებით, 2018 წელს, პენიტენციურ დაწესებულებებში არც ერთი არასრულწლოვანი ქალი მსჯავრდებული არ იმყოფება, არასრულწლოვანი კაცი მსჯავრდებულების რაოდენობა კი 37-ს შეადგენს.

რაც შეეხება გასულ წლებს, 2010 წელს არასრულწლოვანი მსჯავრდებულების რაოდენობა სულ 206 იყო, საიდანაც 3 არასრულწლოვანი ქალი მსჯავრდებული იხდიდა სასჯელს.

2011 წელს არასრულწლოვან მსჯავრდებულთა რაოდენობა 177-მდე შემცირდა, 2012 წელს - 123-მდე, 2013 წელს კი 75-მდე.

ამასთან, სტატისტიკური მონაცემების თანახმად, 2014 წელს მსჯავრდებულ არასრულწლოვანთა რაოდენობა 83-მდე გაიზარდა, საიდანაც ყველა მათგანი კაცი მსჯავრდებული იყო, ხოლო 2015 წელს მათი რაოდენობა 35-მდე შემცირდა.

არასრულწლოვან მსჯავრდებულთა რაოდენობა მკვეთრად შემცირდა 2016 წელს და 16 გახდა, საიდანაც არასრულწლოვანი ქალი მსჯავრდებული ერთი იყო. 2017 წელს კი მათი რაოდენობა 32-მდე გაიზარდა, საიდანაც ყველა არასრულწლოვანი კაცი მსჯავრდებული იყო.

სხვა სიახლეები
07 დეკ

23 დეკემბერს ადვოკატთა ასოციაციის საერთო კრება გაიმართება

07 დეკ

საკონსტიტუციო სასამართლომ მიწების უცხოელებზე გასხვისებაზე დაწესებული მორატორიუმი გააუქმა

22 ნოე

თბილისში საერთაშორისო კონფერენცია „მედიაციის დღეები 2018“ იმართება

20 ნოე

ადვოკატთა ასოციაცია 2019-22 წლების სტრატეგიული განვითარების გეგმის პრეზენტაციას მართავს

16 ნოე

„2018 წელს ქალთა მკვლელობების მაჩვენებელი 58%-ით შემცირდა“

14 ნოე

ადვოკატთა ასოციაციის ორგანიზებით, გერმანულ - ქართული სამართლის ფორუმი გაიმართა

14 ნოე

სააპელაციო სასამართლომ ადვოკატებს ჯარიმები გაუუქმა

14 ნოე

„OK&CG“ ახალგაზრდა ადვოკატების განცხადებას ეხმაურება

08 ნოე

8 ნოემბერი ადვოკატთა პროფესიული დღეა

11 ოქტ

ადვოკატთა ასოციაციასა და შსს-ს შორის ურთიერთთანამშრომლობის მემორანდუმი გაფორმდა