25 ნოემბერი ქალთა მიმართ ძალადობის აღმოფხვრის საერთაშორისო დღეა 508 2019.11.25
25 ნოემბერი ქალთა მიმართ ძალადობის აღმოფხვრის საერთაშორისო დღეა

საადვოკატო ბიურო "OK&CG" მხარს უჭერს კამპანიას ქალთა მიმართ ძალადობის აღმოფხვრასთან დაკავშირებით. 

 

აღნიშნული კამპანია გენდერული ძალადობის წინააღმდეგ 16-დღიანი საერთაშორისო კამპანიაა, რომელიც  1990-იანი წლების დასაწყისიდან აღინიშნება. იგი 25 ნოემბერს იწყება და მიზნად საზოგადოებრივი ცნობიერების ამაღლებასა და გენდერული ძალადობის მსხვერპლთა მიმართ სოლიდარობის დემონსტრირებას ისახავს.

 

საადვოკატო ბიურო "OK&CG" -ის ადვოკატებს მიაჩნიათ, რომ  აუცილებელია ისეთი სამართლებრივი მექანიზმების შემუშავება, რომელიც უზრუნველყოფს ქალთა მიმართ ძალადობის აღმოფხვრას, სექსუალური შევიწროვების ფაქტების დროულ შესწავლასა და მათზე ადეკვატურ რეაგირებას.

 

აუცილებელია განსაკუთრებული გულისხმიერების გამოჩენა ძალადობის საკითხების მიმართ. მართლმსაჯულება ხელმისაწვდომი უნდა გახდეს თითოეული ადამიანისათვის, განსაკუთრებით კი მათთვის, ვისთვისაც სამართლებრივი დაცვის მექანიზმები განსაკუთრებით საჭიროა.

 

კამპანიის ოფიციალური ფერი ნარინჯისფერია, ამიტომ მსოფლიოს ქალაქები მის მხარდაჭერას ღირსშესანიშნავი ობიექტების ნარინჯისფრად განათებით გამოხატავენ. ამ დღესთან დაკავშირებით გამართულ ღონისძიებებშიც სწორედ ნარინჯისფერი დომინირებს.

 

კამპანიის მთავარ გზავნილს წარმოადგენს: „გაანარინჯისფერე სამყარო - უზრუნველყავი თანხების მობილიზაცია ქალებისა და გოგოების მიმართ ძალადობის აღმოსაფხვრელად“, რაც კიდევ ერთხელ უსვამს ხაზს ქალთა მიმართ ძალადობასთან ბრძოლაში ინვესტირების მნიშვნელობას.

სხვა სიახლეები
22 ივნ

სამართლებრივად რას ნიშნავს „უღირსი მემკვიდრე“ და რა პროცედურებია საჭირო მემკვიდრეობის მისაღებად?

15 ივნ

როგორ გასცემს მშობელი უნებლიედ ბავშვის პირად მონაცემებს?

12 ივნ

გაზარდა თუ არა ონლაინ-ვაჭრობამ კიბერდანაშაულის რისკები და როგორ დავიცვათ თავი მისგან?

09 ივნ

შეეძლოთ თუ არა ბანკებს 3-თვიანი საშეღავათო პერიოდის დროს სესხებზე პროცენტის დარიცხვა შეეჩერებინათ?

01 ივნ

ბავშვთა უფლებები საქართველოში

29 მაი

პერსონალური მონაცემები ტექნოლოგიური პროგრესის კვალდაკვალ

27 მაი

რა უნდა იცოდეთ, თუ სამსახურიდან გაგათავისუფლეს?

25 მაი

კანონპროექტი-ანაზღაურებადი დეკრეტული შვებულება მამებს

22 მაი

რა პრობლემებს წარმოშობს შრომითი ხელშეკრულების ზეპირი ფორმა? 

20 მაი

სხვაობა ხელფასში-ქალისა და მამაკაცის განსხვავებული ანაზღაურება