- სამსახურიდან ახლადწამოსულ აკაკის ბოლო პერიოდში ფინანსურად ძალიან გაუჭირდა. ახალი სამსახურის მოძიებაც არ აღმოჩნდა მარტივი. ამასობაში, დაუგროვდა გადასახადები - ბავშვების სკოლის, მათი წრეების, კომუნალურების...
გადაწყვიტა თავისი მეგობრისთვის, ელიზბარისთვის დაერეკა და დახმარება ეთხოვა. ელიზბარმა მართლაც ასესხა 2 000 ლარი აკაკის ერთი წლის ვადით. შეთანხმდნენ, რომ ეს თანხა ნაწილ-ნაწილ უნდა დაებრუნებინა აკაკის.
6 თვის განმავლობაში ჯეროვნად ასრულებდა აკაკი თავის ვალდებულებას, მაგრამ შემდგომში ვეღარ შეძლო თანხის გადახდა იმ მიზეზით, რომ გადახდის საშუალება აღარ ჰქონდა.
ელიზბარი ძალიან რთულ მდგომარეობაშია. მას აინტერესებს, რასთან აქვს საქმე?
ამ საკითხს აწესრიგებს სამოქალაქო კოდექსის 623-ე და შემდგომი მუხლები. დასახელებული ნორმის თანახმად, სესხის ხელშეკრულებით გამსესხებელი საკუთრებაში გადასცემს მსესხებელს ფულს ან სხვა გვაროვნულ ნივთს, ხოლო მსესხებელი კისრულობს დააბრუნოს იმავე სახის, ხარისხისა და რაოდენობის ნივთი.
ა) ფული (გამოხატული კონკრეტულ ოდენობაში);
ბ) გვაროვნული (ჩანაცვლებადი, შეცვლადი) ნივთი;
სესხის ხელშეკრულების მხარეები არიან: მსესხებელი და გამსესხებელი, რომლებიც შეიძლება იყვნენ როგორც ფიზიკური, ასევე იურიდიული პირები.
სესხის ხელშეკრულება იდება ზეპირად, თუმცა მხარეთა შეთანხმებით შეიძლება გამოყენებულ იქნეს წერილობითი ფორმაც. ზეპირი ხელშეკრულების დროს მისი ნამდვილობა არ შეიძლება დადგინდეს მხოლოდ მოწმეთა ჩვენებებით.
გამსესხებელს უფლება აქვს დაუყოვნებლივ მოითხოვოს ვალის დაბრუნება, თუ მსესხებლის ქონებრივი მდგომარეობა არსებითად უარესდება, რითაც საფრთხე შეექმნება სესხის დაბრუნების მოთხოვნას. ეს უფლება მაშინაც არსებობს, თუ მსესხებლის ქონებრივი მდგომარეობის გაუარესება წინ უსწრებდა ხელშეკრულების დადებას, ხოლო გამსესხებლისათვის იგი ცნობილი გახდა მხოლოდ ხელშეკრულების დადების შემდეგ.
ამიტომ ხელშეკრულების დადებამდე, უმჯობესია ხელშეკრულების დეტალები დააზუსტოთ და გააზრებით მიიღოთ ეს გადაწყვეტილება, რათა შემდგომი გაუგებრობა აიცილოთ თავიდან.
კითხვების შემთხვევაში, მოგვმართე.
როდიდან ითვლება პირი უფლებაუნარიანად? ქმედუნარიანად?
რომელია ქურდობა? ძარცვა? ყაჩაღობა?
რა არის ნასყიდობის ხელშეკრულება?
რა არის საკუთრების უფლება და რას მოიცავს მისი შინაარსი?
რა არის დელიქტი და რა წინაპირობები აქვს?
უძრავი ქონების ადვოკატის როლი კალიფორნიაში
"ბავშვი სათავეა, დასაწყისია დიდის ადამიანისა"
სანამ ხელშეკრულებას ხელს მოაწერთ...
რა არის ქონება? მოძრავი და უძრავი ნივთი?
"სიყვარული თუ გაქრება, მზე იტირებს და..."