error 328 2018.05.14
იუსტიციის უმაღლესი საბჭო უვადო მოსამართლეობის მსურველ მოსამართლეთა განაცხადებს ეცნობა

იუსტიციის უმაღლესი საბჭო დღევანდელ სხდომაზე იმ მოსამართლეების განაცხადების შესახებ ინფორმაციას ეცნობა, რომლებმაც უვადო მოსამართლეობის თაობაზე სურვილი გამოთქვეს და საბჭოში განცხადება შეიტანეს. იუსტიციის უმღლეს საბჭოში განაცხადი 19-მა მოსამართლემ უკვე შეიტანა, ხოლო დღეს ამ ჩამონათვალს კიდევ 10 კანდიდატი დაემატა. საბჭო სწორედ ამ 10 კანდიდატის განაცხადს გაეცნობა. 

იუსტიციის უმღლესი საბჭოს არამოსამართლე წევრის ნაზი ჯანეზაშვილის ინფორმაციით, უვადო მოსამართლეობის მსურველ კანდიდატებს შორის არ არიან გახმაურებული საქმის მოსამართლეები.

ამასთან, მისივე განმარტებით, სისტემაში დარჩენილია 18 მოსამართლე, რომელსაც შეუძლია მიმართოს იუსტიცის უმაღლეს საბჭოს უვადოდ გამწესების მოთხოვნით. მათ შორის არის სააპელაციო სასამართლოს მოსამართლე ლევან მურუსიძე და საქალაქო სასამართლოს მოსამართლე ასმათ კოხრეიძე. მათ საბჭოში განაცხადი ჯერჯერობით არ შეუტანიათ.

"სასამართლო სისტემაში ჯამში 78 მოსამართლეა უვადოდ დანიშნული. აქედან 10 მოსამართლეს უარი ეთქვა, როდესაც კონკურსი მიმდინარეობდა. დღეისთვის, ამ 10 მოსამართლის ჩათვლით, რომელიც სხდომაზე განიხილება, 29 მოსამართლეს უკვე წარმოდგენილი აქვს განაცხადი. იუსტიციის უმაღლესი საბჭო უახლოეს მომავალში იმსჯელებს მათი უვადოდ გამწესების შესახებ. ამასთან, სისტემაში დარჩენილია 18 მოსამართლე, რომელიც ექვემდებარება უვადოდ გამწესებას იმ ფორმალური კრიტერიუმების გათვალისწინებით, რომელსაც ის უნდა აკმაყოფილებდეს. მათ შორის არის ლევან მურუსიძე“, - განაცხადა ნაზი ჯანეზაშვილმა.

გარდა ამის, ნაზი ჯანეზაშვილის თქმით, იუსტიციის უმაღლესი საბჭო განიხილავს საკითხს, რომელიც ეხება ვიწრო სპეციალიზაციებში მოსამართლის განაწილების წესს. შესაბამისად, აღნიშნულ საკითხთან დაკავშირებით დღეს პროექტი იქნება წარმოდგენილი.

ნაზი ჯანეზაშვილი მიიჩნევს, რომ საბჭოს წევრებს მანამდე, ანუ წინასწარ უნდა პქონოდათ ინფორმაცია, თუ რა საკითხზე იქნება მსჯელობა.
"ჩემთვის ცნობილია მხოლოდ თემის სათაური, რომელიც საზოგადოებისთვისაც ღიაა ვებ-გვერდზე. ეს მნიშვნელოვანი თემებია. როგორც იცით, მწვავე კრიტიკა გამოიწვია სააპელაციო სასამართლოს თავმჯდომარე მიხეილ ჩინჩალაძისთვისთვის ძალიან დიდი უფლება-მოსილების მინიჭებამ, რომ მას შეუძლია გადაანაწილოს მოსამართლეები, შემადგენლობა განსაზღვრის ვიწრო სპეციალიაზაციებში, რაც ბუნებრივია, საფრთხეს უქმნის უშუალოდ ელექტრონულ განაწილებას. ეს თავისთავად კიდევ უფრო მეტად წარმოაჩენს თავმჯდომარის მაღალი უფლებამოსილების მქონე როლს და ზოგადად იმ ინსტიტუტს, რომელიც ძალიან პრობლემატურია. ამიტომ ვფიქრობ, თუ ამ წესში ცვლილება შედის, წინასწარ უნდა გვქონდეს ინფორმაცია, რათა კარგად ვიმსჯელოთ", - განაცხადა ნაზი ჯანეზაშვილმა.

სხვა სიახლეები
15 სექ

საქართველოს ადვოკატთა ასოციაციის თავმჯდომარე და აღამასრულებელი მდივანი კომიტეტების ხელმძღანელებს შეხ

06 სექ

საადვოკატო ბიურო „OK & CG“ აცხადებს ვაკანსიას ადვოკატის თანაშემწის პოზიციაზე

12 ივლ

რა მოთხოვნების დაკმაყოფილება მოუწევთ მიკროსაფინანსო ორგანიზაციებს წლის ბოლომდე?

12 ივლ

ბანკების მიმართ პრეტენზიები 39%-ით გაიზარდა-რა საკითხებზე ჩივიან ყველაზე ხშირად მოქალაქეები?

11 ივლ

იურიდიულ პირებს ელექტრონული შტამპისა და ხელმოწერის მიღება 200 ლარიდან შეეძლებათ

10 ივლ

მიკროსაფინანსო ორგანიზაციებისთვის გარკვეული რეგულაციების ამოქმედების ვადამ გადაიწია

10 ივლ

ჯანდაცვის სამინისტრო დასაქმების სერვისების კანონპროექტზე მუშაობს

10 ივლ

ოჯახს, სადაც 2 შრომისუნარიანი პირი ცხოვრობს, შესაძლოა, სოციალური შემწეობა მოეხსნას

09 ივლ

კანონპროექტი არასრულწლოვანთა ინტერნეტ–რისკებზე ძალაში შემოდგომიდან შევა

06 ივლ

პარლამენტმა მთავრობის სტრუქტურული რეორგანიზაციის შესახებ წარდგენილი საკანონმდებლო პაკეტი დაამტკიცა