error 310 2018.04.03
ათი ხმით ორის წინააღმდეგ - ნაფიცმა მსაჯულებმა გამამართლებელი ვერდიქტი მიიღეს

ნაფიცმა მსაჯულებმა მოხელის მიერ სამსახურებრივი უფლებამოსილების გადამეტების ბრალდების საქმეზე, რამაც სახელმწიფოს კანონიერი ინტერესის არსებითი დარღვევა გამოიწვია, გამამართლებელი ვერდიქტი მიიღეს. თბილისის საქალაქო სასამართლოს პრესსამსახურის ინფორმაციით, მსაჯულებმა, ბრალდებული მ. ფ. წარდგენილ ბრალდებაში უდანაშაულოდ ცნეს, ათი ხმით ორის წინააღმდეგ.



„საქმის მასალების თანახმად, 2012 წლის 15 ნოემბერს, ბრალდებულმა, რომელსაც საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს დევნილთა საკითხების დეპარტამენტის უფროსის მოადგილის თანამდებობა ეკავა, შესაბამისი ბრძანებით განსაზღვრული სარეკომენდაციო კომისიის გვერდის ავლით და სამინისტროს ბლანკის მინისტრის ბრძანების დარღვევით გამოყენებით, წერილით მიმართა საქართველოს ეკონომიკისა და მდგრადი განვითარების სამინისტროს, ეშუამდგომლა საქართველოს პრეზიდენტის წინაშე, სხვადასხვა მისამართებზე მდებარე კომპაქტური ჩასახლების ობიექტებში მცხოვრები დევნილებისთვის, სახელმწიფო საკუთრებაში არსებული ფართების პირდაპირი მიყიდვის ფორმით, სიმბოლურ ფასად გადაცემის თაობაზე. აღნიშნული წერილის საფუძველზე, ქ. თბილისში ვანის ქუჩაზე მდებარე 70.03 კვ.მ. ფართის მქონე უძრავი ქონება საკუთრებაში გადაეცა მოქალაქეს, რომელიც რეგისტრირებული იყო სხვა მისამართზე, მითითებულ კომპაქტურ ჩასახლებაში არასდროს უცხოვრია და სამინისტროსათვის არ მიუმართავს ფართის დაკანონების თაობაზე. აღნიშნულ საქმეზე 12 სასამართლო სხდომა ჩატარდა, დაიკითხა ბრალდების ცხრა და დაცვის სამი მოწმე.



ნაფიცმა მსაჯულებმა სათათბიროდ 4 საათი და 15 წუთი გამოიყენეს და საბოლოოდ, ათი ხმით ორის წინააღმდეგ საქმეზე გამამართლებელი ვერდიქტი მიიღეს“, - ნათქვამია სასამართლოს განცხადებაში.  ნაფიც მსაჯულთა გამამართლებელი ვერდიქტი საბოლოოა და არ საჩივრდება.

სხვა სიახლეები
12 ივლ

რა მოთხოვნების დაკმაყოფილება მოუწევთ მიკროსაფინანსო ორგანიზაციებს წლის ბოლომდე?

12 ივლ

ბანკების მიმართ პრეტენზიები 39%-ით გაიზარდა-რა საკითხებზე ჩივიან ყველაზე ხშირად მოქალაქეები?

11 ივლ

იურიდიულ პირებს ელექტრონული შტამპისა და ხელმოწერის მიღება 200 ლარიდან შეეძლებათ

10 ივლ

მიკროსაფინანსო ორგანიზაციებისთვის გარკვეული რეგულაციების ამოქმედების ვადამ გადაიწია

10 ივლ

ჯანდაცვის სამინისტრო დასაქმების სერვისების კანონპროექტზე მუშაობს

10 ივლ

ოჯახს, სადაც 2 შრომისუნარიანი პირი ცხოვრობს, შესაძლოა, სოციალური შემწეობა მოეხსნას

09 ივლ

კანონპროექტი არასრულწლოვანთა ინტერნეტ–რისკებზე ძალაში შემოდგომიდან შევა

06 ივლ

პარლამენტმა მთავრობის სტრუქტურული რეორგანიზაციის შესახებ წარდგენილი საკანონმდებლო პაკეტი დაამტკიცა

04 ივლ

რა უნდა ვიცოდეთ ვადაგადაცილებული სესხების შესახებ, რომ მომავალში სესხის აღება არ გაგვირთულდეს?!

04 ივლ

დავით ასათიანი პროკურატურას მიმართავს