error 249 2018.03.13
ე.წ. ქურდულ სამყაროსთან დაკავშირებით კანონპროექტი დახურულ ფორმატში განიხილება

ე.წ. ქურდულ სამყაროსთან და ორგანიზებულ დანაშაულთან დაკავშირებით პარლამენტში ინიცირებულ საკანონმდებლო პაკეტს ადამიანის უფლებათა დაცვის კომიტეტი დახურულ ფორმატში იხილავს.

კომიტეტის სხდომა, რომელმაც პირველი მოსმენით კანონში შესატანი ცვლილებები უნდა განიხილოს, როგორც ჟურნალისტებისთვის, ასევე არასამთავრობო ორგანიზაციების წარმომადგენლებისთვის დაიხურა. 

როგორც კომიტეტის თავმჯდომარემ, სოფიო კილაძემ განაცხადა, საქმე ისეთ საკითხებს ეხება, რითაც შესაძლოა სახელმწიფო ინტერესებს გარკვეული საფრთხე მიადგეს.

სხდომის დახურვამდე შს მინისტრის მოადგილე ნათია მეზვრიშვილმა ზოგადი განმარტება გააკეთა პროექტის არსთან და მიზანთან დაკავშირებით. 

„კანონპროექტის მიზანია გაძლიერდეს ბრძოლა ორგანიზებული დანაშაულისა და ”ქურდული სამყაროს” წინააღმდეგ. წარმოდგენილი ცვლილებებით, ფართოვდება იმ ქმედებების წრე, რაც დღეს დასჯადი არ არის და საკანონმდებლო ცვლილებების მიხედვით დასჯადი იქნება. კანონში დაგეგმილი ცვლილებების მიზანია მოიცვას ყველა ის პირი, ვისაც ”კანონიერ ქურდებთან” და ”ქურდულ სამყაროსთან” აქვს კავშირი. სანქციები იქნება საკმაოდ მკაცრი“, – განაცხადა მეზვრიშვილმა. 

ამის შემდეგ კომიტეტის გადაწყვეტილებით სხდომა დაიხურა. საკომიტეტო მოსმენა დატოვეს, როგორც ჟურნალისტებმა, ასევე არასამთავრობო ორგანიზაციების წარმომადგენლებმა და კომიტეტის აპარატის თანამშრომლებმა. 

სხვა სიახლეები
12 ივლ

რა მოთხოვნების დაკმაყოფილება მოუწევთ მიკროსაფინანსო ორგანიზაციებს წლის ბოლომდე?

12 ივლ

ბანკების მიმართ პრეტენზიები 39%-ით გაიზარდა-რა საკითხებზე ჩივიან ყველაზე ხშირად მოქალაქეები?

11 ივლ

იურიდიულ პირებს ელექტრონული შტამპისა და ხელმოწერის მიღება 200 ლარიდან შეეძლებათ

10 ივლ

მიკროსაფინანსო ორგანიზაციებისთვის გარკვეული რეგულაციების ამოქმედების ვადამ გადაიწია

10 ივლ

ჯანდაცვის სამინისტრო დასაქმების სერვისების კანონპროექტზე მუშაობს

10 ივლ

ოჯახს, სადაც 2 შრომისუნარიანი პირი ცხოვრობს, შესაძლოა, სოციალური შემწეობა მოეხსნას

09 ივლ

კანონპროექტი არასრულწლოვანთა ინტერნეტ–რისკებზე ძალაში შემოდგომიდან შევა

06 ივლ

პარლამენტმა მთავრობის სტრუქტურული რეორგანიზაციის შესახებ წარდგენილი საკანონმდებლო პაკეტი დაამტკიცა

04 ივლ

რა უნდა ვიცოდეთ ვადაგადაცილებული სესხების შესახებ, რომ მომავალში სესხის აღება არ გაგვირთულდეს?!

04 ივლ

დავით ასათიანი პროკურატურას მიმართავს