error 265 2018.02.02
მთავრობამ ქურდული სამყაროს წინააღმდეგ საკანონმდებლო ცვლილების პროექტი დაამტკიცა

 „კრიმინალური მენტალიტეტი და ორგანიზებული დანაშაული ქვეყნის განვითარებას აფერხებს, ამიტომ ერთხელ და სამუდამოდ უნდა დავამარცხოთ“, - ამის შესახებ შს მინისტრმა გიორგი გახარიამ მთავრობის სხდომის დასრულების შემდეგ განაცხადა. 

ქურდული სამყაროს წინააღმდეგ საკანონმდებლო ცვლილების პროექტი  მთავრობამ უკვე დაამტკიცა და განსახილველად პარლამენტს გადაეგზავნა. აღნიშნული კანონპროექტი ე.წ. კანონიერ ქურდებთან ბრძოლის გამკაცრებას ითვალისწინებს. 


 შინაგან საქმეთა სამინისტროს განცხადებით, „მინისტრის და მთლიანად სამინისტროს ინიციატივაა, რომ კიდევ უფრო გამკაცრდეს სასჯელი ქურდული სამყაროს წევრობისა და კანონიერი ქურდობისთვის და დანაშაულად გამოცხადდეს მთელი რიგი ქმედებები, რომლებიც აქამდე სისხლის სამართლის წესით არ ისჯებოდა.

სისხლის სამართლის კოდექსში და ორგანიზებული დანაშაულისა და რეკეტის შესახებ კანონში წარმოდგენილი საკანონმდებლო პაკეტი ითვალისწინებს: სასჯელის გამკაცრებას ქურდული სამყაროს წევრობისა და კანონიერი ქურდობისთვის; აფართოებს სისხლის სამართლის წესით დასჯადი ქმედებების წრეს.

დანაშაულად ცხადდება: ქურდული სამყაროს წევრისთვის მიმართვა - სისხლის სამართლის წესით დაისჯება ნებისმიერი პირი, რომელიც ქურდული სამყაროს წევრს ან კანონიერ ქურდს მიმართავს დავის მოგვარების ან/და გადაწყვეტილების მიღებაზე გავლენის მოხდენის მიზნით; ქურდული სამყაროს მხარდაჭერა - ნებისმიერი ქმედება, რომელიც ხელს უწყობს ქურდული სამყაროს საქმიანობის განხორციელებას;

ქურდული შეკრების ორგანიზება ან მასში მონაწილეობა - თუ აქამდე არსებული კანონმდებლობით ამგვარი შეკრების ორგანიზებისთვის მხოლოდ კანონიერი ქურდები ან ქურდული სამყაროს წევრები ისჯებოდნენ, კანონპროექტის მიხედვით, სისხლის სამართლის წესით დაისჯება ნებისმიერი პირი, რომელიც, ქურდული სამყაროს საქმიანობასთან დაკავშირებული საკითხების განხილვა/გადაწყვეტის მიზნით, მსგავს შეკრებას დააორგანიზებს ან მასში მონაწილეობას მიიღებს.

აღსანიშნავია, რომ მოქმედი კანონმდებლობით, „კანონიერ ქურდობაზე“ თავისუფლების აღკვეთა არის 7-დან 10 წლამდე, საკანონმდებლო ცვლილებების შემდეგ იქნება 9-დან 15 წლამდე, „ქურდული სამყაროს“ წევრობაზე არის თავისუფლების აღკვეთა 5-დან 8 წლამდე, იქნება - 7-დან 10 წლამდე”, - ნათქვამია შს სამინისტროს ინფორმაციაში.

სხვა სიახლეები
25 თებ

ოჯახში ძალადობის შემთხვევები ბოლო 2 კვირის განმავლობაში

24 თებ

უზენაესი სასამართლოს თავმჯდომარე განცხადებას ავრცელებს

23 თებ

ადვოკატთა ასოციაცია კონკურსს აცხადებს

23 თებ

საკონსტიტუციო სასამართლო: „ასაკოვანი პირების დისკრიმინაციისაგან დაცვა მნიშვნელოვანია“

23 თებ

იუსტიციის უმაღლესმა საბჭომ 44 მოსამართლე უვადოდ განამწესა

23 თებ

ადვოკატთა ასოციაციასა და საქართველოს კონკურენციის სააგენტოს შორის მემორანდუმი გაფორმდა

22 თებ

ეროვნული ბანკი მეწარმეებს საკანონმდებლო ცვლილებებს ახსენებს

21 თებ

„საგადასახადო კანონმდებლობაში ხშირი ცვლილებები ბიზნესს მნიშვნელოვნად აზიანებს“

21 თებ

ერთ თვეში მოვალეთა რეესტრში ჩანაწერების რაოდენობა 4,8 ათასით გაიზარდა

20 თებ

„ადვოკატთა ასოციაცია მნიშვნელოვანი კანონპროექტების განხილვებში აქტიურად ჩაერთვება“