error 358 2018.02.01
ადმინისტრაციულ სამართალდარღვევათა კოდექსში ცვლილებები შედის

ადმინისტრაციულ სამართალდარღვევათა კოდექსში ცვლილებები შედის. კერძოდ,  უცხო სახელმწიფოში რეგისტრირებული ავტოსატრანსპორტო საშუალებით საქართველოს ტერიტორიაზე სამოქალაქო პასუხისმგებლობის სავალდებულო დაზღვევის გარეშე გადაადგილების შემთხვევაში, ავტოსატრანსპორტო საშუალების მფლობელი/მძღოლი დაჯარიმდება.

 

დადგენილების თანახმად, გადაადგილება იმ მოტოციკლით, რომლის ძრავის მუშა მოცულობა 50 სმ ​3 -ზე მეტია, მსუბუქი ავტომობილით, რომლის ნებადართული მაქსიმალური მასა 3 500 კგ-ს, ხოლო დასასხდომი ადგილების (გარდა მძღოლის ადგილისა) რაოდენობა − 8-ს არ აღემატება, სასოფლო-სამეურნეო მანქანით, სპეციალიზებული თვითმავალი მანქანით ან მისაბმელით – გამოიწვევს ავტოსატრანსპორტო საშუალების მფლობელის/მძღოლის დაჯარიმებას 100 ლარის ოდენობით.

 ასევე, იმ ავტობუსით გადაადგილების შემთხვევაში, რომლის დასასხდომი ადგილების (გარდა მძღოლის ადგილისა) რაოდენობა 8-ს აღემატება, ან სატვირთო იმ ავტომობილით, რომლის ნებადართული მაქსიმალური მასა 3 500 კგ-ს აღემატება, ავტოსატრანსპორტო საშუალების მფლობელი/მძღოლი დაჯარიმდება 200 ლარის ოდენობით.

 

აღნიშნული ცვლილებით,  გათვალისწინებული ადმინისტრაციული სამართალდარღვევის ჩადენის შემთხვევაში ავტოსატრანსპორტო საშუალების მფლობელს/მძღოლს შესაბამისი ჯარიმის დაკისრებასთან ერთად ეძლევა 2-დღიანი ვადა აღნიშნული სამართალდარღვევის აღმოსაფხვრელად. ამ ვადაში ავტოსატრანსპორტო საშუალების მფლობელს/მძღოლს ადმინისტრაციული პასუხისმგებლობა განმეორებით არ დაეკისრება.

სხვა სიახლეები
25 თებ

ოჯახში ძალადობის შემთხვევები ბოლო 2 კვირის განმავლობაში

24 თებ

უზენაესი სასამართლოს თავმჯდომარე განცხადებას ავრცელებს

23 თებ

ადვოკატთა ასოციაცია კონკურსს აცხადებს

23 თებ

საკონსტიტუციო სასამართლო: „ასაკოვანი პირების დისკრიმინაციისაგან დაცვა მნიშვნელოვანია“

23 თებ

იუსტიციის უმაღლესმა საბჭომ 44 მოსამართლე უვადოდ განამწესა

23 თებ

ადვოკატთა ასოციაციასა და საქართველოს კონკურენციის სააგენტოს შორის მემორანდუმი გაფორმდა

22 თებ

ეროვნული ბანკი მეწარმეებს საკანონმდებლო ცვლილებებს ახსენებს

21 თებ

„საგადასახადო კანონმდებლობაში ხშირი ცვლილებები ბიზნესს მნიშვნელოვნად აზიანებს“

21 თებ

ერთ თვეში მოვალეთა რეესტრში ჩანაწერების რაოდენობა 4,8 ათასით გაიზარდა

20 თებ

„ადვოკატთა ასოციაცია მნიშვნელოვანი კანონპროექტების განხილვებში აქტიურად ჩაერთვება“