error 224 2018.01.11
იუსტიციის უმაღლესი საბჭოს ახალი წევრების ვინაობა დღეს გახდება ცნობილი

ქვეყნის ახალი უმაღლესი მოსამართლეების ვინაობა დღეს გახდება ცნობილი. 32 სასამართლოში გამოცხადებულ 52 ვაკანტურ თანამდებობაზე 57 კანდიდატი განიხილება. მათ შორის არიან თავად იუსტიციის საბჭოს წევრები, ასევე საქალაქო და სააპელაციო სასამართლოების მოქმედი მოსამართლეები.

 

იმისთვის რომ კანდიდატი მოსამართლის თანამდებობაზე დაინიშოს, იუსტიციის საბჭოს წევრთა მინიმუმ 10 ხმაა საჭირო. 

 

 მოსამართლეობის სურვილი თავდაპირველად 79 პირმა გამოთქვა, რომელთაგან სამმა კანდიდატურა მოხსნა. ესენი არიან: საქალაქო სასამართლოს მოსამართლე გიორგი არევაძე, რომელიც ყოფილი პრეზიდენტის მიხეილ სააკაშვილის საქმის განმხილველია, ვასილ მშვენიერაძე, რომელიც საქალაქო სასამართლოს თავმჯდომარეა (მას ინსტანციის შეცვლა უნდოდა), ასევე ნიკოლოზ მარსაგიშვილი. იუსტიციის უმაღლეს საბჭოში არ დაუკონკრეტებიათ თუ რის საფუძველზე მოხსნეს აღნიშნულმა პირებმა კანდიდატურები. შესაბამისად დარჩა 76 კანდიდატი, თუმცა აქედან 19-მა პირმა მოსამართლეობისათვის აუცილებელი კეთილსინდისიერებისა და კომპეტენტურობის კრიტერიუმები ვერ გადალახეს. 

 

ამასთან დღევანდელ სხდომაზე კენჭს უყრიან იმ მოსამართლეებს, რომლებსაც მოსამართლედ მუშაობის 10-წლიანი მუშაობის გამოცდილება გააჩნია. ესენი არიან: სერგო მეთოფიშვილი - საქალაქო სასამართლო, სამოქალაქო საქმეთა კოლეგიის თავმჯდომარე და მოსამართლე. ასევე იყო იუსტიციის უმაღლესი საბჭოს წევრი; დავით მამისეიშვილი, ბათუმის საქალაქო სასამართლოს თავმჯდომარე და მოსამართლე; ლევან თევზაძე, იუსტიციის უმაღლესი საბჭოს წევრი და სააპელაციო სასამართლოს მოსამართლე; გიორგი ებანოიძე, საქალაქო სასამართლოს მოსამართლე; შოთა გეწაძე, იუსტიციის უმაღლესი საბჭოს წევრი 2013-2017 წლებში და სააპელაციო სასამართლოს მოსამართლე.

 

მოქმედი მოსამართლეების მიერ განაცხდის ხელახლა შეტანის მიზეზი, ან გადანიშვნა, ან სამოსამართლეო ვადის ამოწურვაა.

სხვა სიახლეები
18 მაი

ადვოკატთა ასოციაცია საერთაშორისო თანამშრომლობის ფარგლებს აფართოვებს

17 მაი

პარლამენტი იხილავს პროექტს, რომლის საფუძველზეც მრავალშვილიანი მშობლის სტატუსი განისაზღვრება

17 მაი

შრომითი ხელშეკრულებით დასაქმებული საჯარო მოხელე გარკვეული რეგულაციებისგან თავისუფლდება?

15 მაი

სასამართლოს შესაძლოა შემოქმედებთი ნაწარმოების აკრძალვის უფლება მისცენ

15 მაი

სესხის დაფარვის წესი იცვლება

14 მაი

იუსტიციის უმაღლესი საბჭო უვადო მოსამართლეობის მსურველ მოსამართლეთა განაცხადებს ეცნობა

27 აპრ

გამკაცრდება თუ არა მედიკამენტების რეკლამირების წესი?

27 აპრ

„სამუშაო ადგილებზე მომხდარი უბედური შემთხვევების გამოძიება შეფერხებით მიმდინარეობს“

26 აპრ

კომერციულ ბანკებს ჯარიმები ეზრდებათ - რა დარღვევაზე რა ტიპის სანქცია დაეკისრებათ

25 აპრ

ლარში გაცემულ სესხებზე საპროცენტო განაკვეთი გაიზარდა